មានប្រសាសន៍នៅក្នុងពិធីបើក លោកវរសេនីយ៍ឯក Nguyen Hong Hai អគ្គនិពន្ធនាយករងនៃកាសែតកងទ័ពប្រជាជន បានឧទ្ទេសនាមអំពីប្រវត្តិសាស្ត្រ ប្រពៃណី និងទិសដៅអភិវឌ្ឍរបស់កាសែតកងទ័ពប្រជាជន។ ក្នុងរយៈពេលជិត ៧៥ ឆ្នាំនៃការបង្កើត និងអភិវឌ្ឍន៍ កាសែតកងទ័ពប្រជាជនតែងតែទទួលបានការគាំទ្រពីបក្ស រដ្ឋ គណៈកម្មាធិការបក្សយោធាមជ្ឈិម ក្រសួងការពារប្រទេស ស្ថាប័ន និងអង្គភាពនានាក្នុង និងក្រៅកងទ័ព រួមជាមួយការលើកទឹកចិត្តពិសេសពីមិត្តអន្តរជាតិ រួមទាំងការលើកទឹកចិត្តពិសេសរបស់ថ្នាក់ដឹកនាំបក្ស រដ្ឋ កងកម្លាំងប្រដាប់អាវុធ និងប្រជាជនឡាវ ជាពិសេសសហសេវិកនៃកាសែតកងទ័ពប្រជាជនឡាវ។ លោកវរសេនីយ៍ឯក Nguyen Hong Hai បានសម្តែងនូវក្តីសង្ឃឹមថា បន្ទាប់ពីបិទបញ្ចប់វគ្គបំប៉ននេះ អ្វីដែលកម្មាភិបាលនៃកាសែតកងទ័ពប្រជាជនឡាវនឹងនាំយកមកប្រទេសវិញគឺ មិនត្រឹមតែជាបទពិសោធន៍ក្នុងវិស័យសារព័ត៌មានប៉ុណ្ណោះទេ ថែមទាំងជាមនោសញ្ចេតនាដ៏កក់ក្តៅ ស្មោះត្រង់ រវាងប្រទេសជិតខាងទាំងពីរទៀតផង។

leftcenterrightdel
ប្រតិភូចូលរួមពិធីបើកវគ្គបំប៉នជំនាញវិជ្ជាជីវៈសារព័ត៌មានសម្រាប់កម្មាភិបាលនៃកាសែតកងទ័ពប្រជាជនឡាវ

លោកវរសេនីយ៍ទោ Aphai Aphaiyavong អគ្គនិពន្ធនាយករងនៃកាសែតកងទ័ពប្រជាជនឡាវ បានសង្កត់ធ្ងន់លើការគាំទ្រ និងការរួមចំណែករបស់កាសែតកងទ័ពប្រជាជន ចំពោះកាសែតកងទ័ពប្រជាជនឡាវ ក្នុងការកសាងក្រុមអ្នកកាសែតដែលមានសមត្ថភាព ដែលអាចបំពេញគ្រប់ភារកិច្ចបានយ៉ាងល្អ។ លោកវរសេនីយ៍ទោ Aphai Aphaiyavong បានបញ្ជាក់ថា វគ្គបំប៉នលើកនេះគឺជាឱកាសសម្រាប់កម្មាភិបាលនៃកាសែតកងទ័ពប្រជាជនឡាវបានរៀនសូត្រនូវមេរៀនល្អៗ និងបទពិសោធន៍ដ៏មានតម្លៃពីកាសែតកងទ័ពប្រជាជន ដោយអនុវត្តឱ្យបានត្រឹមត្រូវដើម្បីធ្វើឱ្យដំណើរការឃោសនាប្រកបដោយប្រសិទ្ធភាពខ្ពស់ និងបំពេញគ្រប់ភារកិច្ចដែលបក្ស និងរដ្ឋឡាវប្រគល់ជូន៕

បកប្រែដោយ Huyen Trang