ដំណើរទស្សនកិច្ចទៅកាន់ប្រទេសចិនរបស់នាវាលេខ ០១៥-Tran Hung Dao បន្សល់ទុកនូវចំណាប់អារម្មណ៍យ៉ាងជ្រាលជ្រៅ

ពិធីជូនដំណើរនាវាលេខ ០១៥-Tran Hung Dao និងគណៈប្រតិភូ នៃកងទ័ពជើងទឹកប្រជាជនវៀតណាមត្រូវបានប្រារព្ធឡើងយ៉ាងឱឡារិកនៅកំពង់ផែ ក្រោមអធិបតីរបស់តំណាងស្ថាប័នសេនាធិការនៃកងនាវា Beihai កងទ័ពជើងទឹក កងទ័ពរំដោះប្រជាជនចិន។

តំណាងស្ថាប័នសេនាធិការ នៃកងនាវា Beihai កងទ័ពជើងទឹកចិន ជូនដំណើរគណៈប្រតិភូ

ចែករំលែកជាមួយអ្នកយកព័ត៌មាននៃកាសែតកងទ័ពប្រជាជនមុនពេលនាវាចាកចេញពីកំពង់ផែ លោកវរសេនីយ៍ឯក Nguyen Vinh Nam អនុប្រធានកងទ័ពជើងទឹកតំបន់លេខ ៤ និងជាប្រធានគណៈប្រតិភូ បានមានប្រសាសន៍ថា ក្នុងអំឡុងពេលទស្សនកិច្ចនៅទីក្រុង Qingdao គណៈប្រតិភូ និងនាវាលេខ 015-Tran Hung Dao ទទួលបានការស្វាគមន៍យ៉ាងកក់ក្តៅ និងយកចិត្តទុកដាក់ពី កងនាវា Beihai និងកងទ័ពជើងទឹកចិន។ ដំណើរទស្សនកិច្ចនេះទទួលបានជោគជ័យគ្រប់ទិដ្ឋភាព ជាមួយនឹងសកម្មភាពដ៏មានអត្ថន័យជាច្រើនដូចជា៖ គណៈប្រតិភូបានចូលជួបសម្តែងការគួរសមជាមួយថ្នាក់ដឹកនាំនៃអាជ្ញាធរទីក្រុង Qingdao និងកងនាវា Beihai និងបានទៅទស្សនានាវា Weifang របស់កងទ័ពជើងទឹកចិន និងបាន​ស្វាគមន៍មនាយទាហានកងទ័ពជើងទឹកចិនឱ្យមកទស្សនានាវាលេខ 015-Tran Hung Dao ហើយ​កម្មាភិបាល យុទ្ធជន នៃកងទ័ពជើងទឹកទាំងពីរបានចូលរួមប្រកួតកីឡា។

នាយទាហាន និងនាវិក នៃកងនាវា Beihai ចូលរួមក្នុងពិធីជូនដំណើរនាវាលេខ 015-Tran Hung Dao

លោកវរសេនីយ៍ឯក Do Xuan Tiep ប្រធាននាវាលេខ 015-Tran Hung Dao បានបញ្ជាឱ្យនាវាចាកចេញពីកំពង់ផែ

កងទ័ពជើងទឹកចិនបានជួយដោះខ្សែយុថ្កាចេញ

ជាពិសេស ពិធីជប់លៀងនៅលើនាវាលេខ 015-Tran Hung Dao នៅល្ងាចថ្ងៃទី ៣ ខែធ្នូ បានធ្វើឡើងក្នុងបរិយាកាសស្និទ្ធស្នាល និងជិតស្និទ្ធ ដែលបន្សល់ទុកនូវចំណាប់អារម្មណ៍យ៉ាងជ្រាលជ្រៅចំពោះគណៈប្រតិភូ ក៏ដូចជានាយទាហាន និងនាវិកនៃកងទ័ពជើងទឹកទាំងពីរ។ លោកវរសេនីយ៍ឯក Nguyen Vinh Nam បានសង្កត់ធ្ងន់ថា ដំណើរទស្សនកិច្ចនេះបានរួមចំណែកជាក់ស្តែងដល់កិច្ចខិតខំប្រឹងប្រែងដើម្បីពង្រឹងកិច្ចសហប្រតិបត្តិការមិត្តភាព ការជឿទុកចិត្ត និងការយោគយល់គ្នាទៅវិញទៅមករវាងកងទ័ពជើងទឹកវៀតណាម និងចិន។

បន្ទាប់ពីចាកចេញពីកំពង់ផែ នាវា 015-Tran Hung Dao និងនាវាលេខ 550 នៃកងទ័ពជើងទឹកចិនបានធ្វើការហ្វឹកហ្វឺនរួមគ្នានៅលើសមុទ្រ រួមទាំងខ្លឹមសារដូចជា៖ ការត្រួតពិនិត្យព័ត៌មានទំនាក់ទំនង ការដាក់ពង្រាយក្រុមនាវា និងការគោរពគ្នាទៅវិញទៅមកនៅលើសមុទ្រ។

នាវា 015-Tran Hung Dao បានចាកចេញពីកំពង់ផែ Qingdao

* បន្ទាប់ពីបញ្ចប់ការហ្វឹកហ្វឺនរួមគ្នា នាវាលេខ 015-Tran Hung Dao បានចាប់ផ្តើមដំណើររបស់ខ្លួនដើម្បីបំពេញទស្សនកិច្ចនៅប្រទេសជប៉ុន ដោយគោលដៅគឺទីក្រុង Kure ក្នុងខេត្ត Hiroshima៕

បកប្រែដោយ Duy Hoan