ពិធីបិទបញ្ចប់វគ្គបំប៉នជំនាញចលនាមហាជនសម្រាប់នាយទាហាននៃកងទ័ពឡាវ

ក្នុងរយៈពេលមួយខែ កម្មាភិបាលដែលមានបទពិសោធន៍នៃនាយកដ្ឋានចលនាមហាជន នៃអគ្គស្នងការដ្ឋាននយោបាយ និងនាយកដ្ឋាននយោបាយនៃកងទ័ពការពារព្រំដែនរបស់កងទ័ពប្រជាជនវៀតណាម ជាមួយកម្មាភិបាលនៃនាយកដ្ឋានកសាងមូលដ្ឋាន អគ្គស្នងការដ្ឋាននយោបាយនៃកងទ័ពប្រជាជនឡាវ បានចូលរួមការបំប៉នជំនាញ ស្រាវជ្រាវ និងផ្លាស់ប្តូរប្រធានបទចំនួន ៨ ស្តីពីការងារចលនាមហាជន និងការកសាងមូលដ្ឋាន។

លោកឧត្តមសេនីយ៍ត្រី Be Hai Trieu ប្រធាននៃនាយកដ្ឋានចលនាមហាជន នៃអគ្គស្នងការដ្ឋាននយោបាយនៃកងទ័ពប្រជាជនវៀតណាម ប្រគល់វិញ្ញាបនបត្របញ្ចប់​វគ្គបំប៉នដល់នាយទាហាននៃកងទ័ពប្រជាជនឡាវ

ខ្លឹមសារនៃវគ្គបំប៉នជំនាញនេះ ផ្តោតសំខាន់លើការបញ្ជាក់អំពីតួនាទី អត្ថន័យ ខ្លឹមសារ ទម្រង់ និងវិធីសាស្រ្តនៃការអនុវត្តការងារចលនាមហាជនរបស់កងទ័ពក្នុងការចូលរួមកសាងប្រព័ន្ធនយោបាយមូលដ្ឋាន សកម្មភាពចលនាមហាជននៅតាមតំបន់ជនជាតិ សាសនា និងការងារចលនាមហាជនក្នុងការចូលរួមការពារអធិបតេយ្យភាព និងសន្តិសុខតាមតំបន់ព្រំដែន៕

បកប្រែដោយ Thanh Cong