លោកនាយឧត្តមសេនីយ៍ Nguyen Tan Cuong ជួបសវនាការជាមួយមេបញ្ជាការកងកម្លាំងការពារជាតិអូស្ត្រាលី

លោកនាយឧត្តមសេនីយ៍ Nguyen Tan Cuong បានសង្កត់ធ្ងន់ថា វៀតណាមជានិច្ចកាលយកចិត្តទុកដាក់យ៉ាងខ្លាំងចំពោះទំនាក់ទំនងជាមួយអូស្ត្រាលី ក៏ដូចជាសក្តានុពល និងតួនាទីរបស់អូស្ត្រាលីក្នុង តំបន់ និងអន្តរជាតិ។

ការដែលប្រទេសទាំងពីរដំឡើងទំនាក់ទំនងទៅជាភាពជាដៃគូយុទ្ធសាស្ត្រគ្រប់ជ្រុងជ្រោយក្នុងខែមីនាឆ្នាំ២០២៤ គឺជាព្រឹត្តិការណ៍ដ៏សំខាន់មួយ បង្កើតលក្ខខណ្ឌអំណោយផលដើម្បីជំរុញកិច្ចសហប្រតិបត្តិការលើវិស័យផ្សេងៗរួមទាំងវិស័យការពារជាតិផងដែរ។

លោកនាយឧត្តមសេនីយ៍ Nguyen Tan Cuong ជួបសវនាការជាមួយលោកឧត្តមនាវីឯក David Lance Johnston

លោកនាយឧត្តមសេនីយ៍ Nguyen Tan Cuong ប្រគល់វត្ថុអនុស្សាវរីយ៍ជូនលោកឧត្តមនាវីឯក David Lance Johnston

លោកនាយឧត្តមសេនីយ៍ Nguyen Tan Cuong វាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការលើវិស័យការពារជាតិរវាងវៀតណាម និងអូស្ត្រាលីនាពេលថ្មីៗនេះ ជាពិសេសគឺការអនុវត្តខ្លឹមសារកិច្ចសហប្រតិបត្តិការដែលភាគីទាំងពីរបានឯកភាពគ្នា ជាពិសេសលើវិស័យ៖ ការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ ពេទ្យយោធា ...

លោកនាយឧត្តមសេនីយ៍ Nguyen Tan Cuong បានស្នើថា នាពេលខាងមុខ ភាគីទាំងពីរបន្តសម្របសម្រួលអនុវត្តប្រកបដោយប្រសិទ្ធភាពនូវខ្លឹមសារសហប្រតិបត្តិការ ដោយឈរលើមូលដ្ឋានឯកភាពរវាងថ្នាក់ដឹកនាំជាន់ខ្ពស់នៃប្រទេសទាំងពីរ និងក្រសួងការពារជាតិទាំងពីរ ផ្តោតលើវិស័យដូចជា៖ ការផ្លាស់ប្តូរគណៈប្រតិភូ យន្តការសន្ទនា-ការពិគ្រោះយោបល់ ការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ កិច្ចសហប្រតិបត្តិការយោធា ការសម្របសម្រួលប្រកបដោយប្រសិទ្ធភាពក្នុងសកម្មភាពសហប្រតិបត្តិការពហុភាគី ជាពិសេសក្នុងក្របខ័ណ្ឌនៃកិច្ចប្រជុំរដ្ឋមន្ត្រីការពារជាតិអាស៊ានបូក (ADMM+)...

លោកនាយឧត្តមសេនីយ៍ Nguyen Tan Cuong លោកឧត្តមនាវីឯក David Lance Johnston និងប្រតិភូនៅជំនួបសវនាការ

រីឯខ្លួនវិញ លោកឧត្តមនាវីឯក David Lance Johnston បានវាយតម្លៃថា ទំនាក់ទំនងរវាងអូស្ត្រាលី និងវៀតណាមកំពុងអភិវឌ្ឍន៍ឥតឈប់ឈរលើគ្រប់វិស័យ រួមទាំងវិស័យការពារជាតិផងដែរ។ លោកឧត្តមនាវីឯក David Lance Johnston បានសម្តែងក្តីសង្ឃឹមថា ទំនាក់ទំនងការពារជាតិទ្វេភាគីនឹងបន្តអភិវឌ្ឍនាពេលខាងមុខ រួមទាំងការពង្រីកទៅលើវិស័យថ្មី ស្របនឹងតម្រូវការ និងសមត្ថភាពរបស់ភាគីទាំងពីរ៕

បកប្រែដោយ Duy Hoan