ប្រជាជនឡាវជិត ១,៦០០ នាក់ត្រូវបានពិនិត្យជំងឺ និងចែកថ្នាំពេទ្យដោយឥតគិតថ្លៃ
កប.អនឡាញ - នាថ្ងៃទី ១៣ ខែតុលា កងកំលាំងពេទ្យយោធាវៀតណាម និងឡាវបានរៀបចំការពិនិត្យ ព្យាបាលជំងឺ និងចែកថ្នាំដោយឥតគិតថ្លៃជូនប្រជាជនជិត ៥០០ នាក់នៅតំបន់ព្រំដែន Pa Hang-Huoi Hieng។
បន្ទាប់ពីរយៈពេលពីរថ្ងៃនៃការអនុវត្តកម្មវិធីនៅស្រុក Sop Bao ខេត្ត Houaphanh (ឡាវ) កងកម្លាំងពេទ្យយោធានៃប្រទេសទាំងពីរបានពិនិត្យ ព្យាបាលជំងឺ និងចែកថ្នាំពេទ្យដោយឥតគិតថ្លៃ ជូនប្រជាជនជិត ១,៦០០ នាក់។
|
|
ប្រជាជនដែលមកចុះឈ្មោះ ត្រូវបានពិនិត្យ ផ្ដល់យោបល់ និងចែកថ្នាំពេទ្យ |
ក្នុងដំណើរការពិនិត្យជំងឺ គ្រូពេទ្យយោធានៃប្រទេសទាំងពីរបានផ្សព្វផ្សាយ ផ្ដល់យោបល់ និងណែនាំឲ្យប្រជាជនអំពីវិធីថែទាំ និងការពារសុខភាពផ្ទាល់ខ្លួន រស់នៅប្រកបដោយភាពស៊ីវិល័យ ការទប់ស្កាត់ជំងឺទូទៅ និងជំងឺរាតត្បាត ការយកចិត្តទុកដាក់លើអនាម័យ និងថែរក្សាសុខភាពកុមារឲ្យបានល្អ។ ប្រជាជនមួយចំនួននៅពេលពិនិត្យ ត្រូវបានរកឃើញថាមានជំងឺ ហើយត្រូវបានផ្ដល់យោបល់ និងបញ្ជូនទៅកាន់ពេទ្យសមស្របដើម្បីបន្តព្យាបាល។ ទន្ទឹមនឹងការចុះពិនិត្យ ព្យាបាលជំងឺ និងចែកថ្នាំដោយឥតគិតថ្លៃ កងកម្លាំងពេទ្យយោធាវៀតណាមបានប្រគល់អំណោយដ៏មានតម្លៃជាច្រើន ដល់ពេទ្យ និងអាជ្ញាធរមូលដ្ឋាន ដើម្បីបម្រើការថែទាំ និងការពារសុខភាពប្រជាជន។
នាថ្ងៃទី ១៤ ខែតុលា កងកំលាំងពេទ្យយោធាវៀតណាម និងឡាវ ទៅកាន់មន្ទីរពេទ្យយោធាមិត្តភាពព្រំដែនវៀតណាម-ឡាវ (ឃុំ Long Sap ស្រុក Moc Chau ខេត្ត Son La) ដើម្បីពិនិត្យ ព្យាបាលជំងឺ និងចែកថ្នាំពេទ្យដោយឥតគិតថ្លៃ សម្រាប់ប្រជាជននៅមូលដ្ឋាន។ នេះក៏ជាថ្ងៃចុងក្រោយដែលកងកំលាំងពេទ្យយោធានៃប្រទេសទាំងពីរអនុវត្តសកម្មភាពក្នុងក្របខ័ណ្ឌនៃកម្មវិធីផ្លាស់ប្តូរមិត្តភាពការពារជាតិវៀតណាម-ឡាវលើកទី២ នៅតំបន់ព្រំដែនវៀតណាម-ឡាវ៕
បកប្រែដោយ Thuy Anh