បើកលំហាត់សមយុទ្ធតំបន់ការពារទប់ទល់ខេត្ត Phu Tho ឆ្នាំ២០២៤

លំហាត់សមយុទ្ធតំបន់ការពារទប់ទល់ខេត្ត Phu Tho ឆ្នាំ ២០២៤ សំដៅបន្តផ្លាស់ថ្មីខ្លឹមសារ និងវិធីសាស្រ្តដឹកនាំលំហាត់សមយុទ្ធតំបន់ការពារទប់ទល់គ្រប់លំដាប់ថ្នាក់ ទន្ទឹមនឹងនោះលើកកំពស់សមត្ថភាពដឹកនាំរបស់អង្គការបក្ស ប្រសិទ្ធភាពនៃការគ្រប់គ្រងរបស់រដ្ឋ ស្តីពីការការពារជាតិសន្តិសុខ; លើកកម្ពស់តួនាធ្វើសេនាធិការរបស់មន្ទីរ ស្ថាប័ន និងអង្គការនយោបាយសង្គមរបស់ខេត្តក្នុងការកសាង និងប្រតិបត្តិការតំបន់ការពារទប់ទល់។

លោកឧត្តមសេនីយ៍ទោ Pham Hong Chuong មេបញ្ជាការយោធភូមិភាគទី២ ប្រធានគណៈកម្មការដឹកនាំលំហាត់សមយុទ្ធតំបន់ការពារយោធភូមិភាគទី២ ថ្លែងនៅក្នុងពិធីបើក

ថ្លែងនៅក្នុងពិធីបើក លោកឧត្តមសេនីយ៍ទោ Pham Hong Chuong មេបញ្ជាការយោធភូមិភាគទី២ ប្រធានគណៈកម្មការដឹកនាំលំហាត់សមយុទ្ធតំបន់ការពារទប់ទល់យោធភូមិភាគ បានស្នើឲ្យបណ្ដាកងកម្លាំងដែលចូលរួមក្នុងលំហាត់សមយុទ្ធនេះ លើកកំពស់ស្មារតីទទួលខុសត្រូវ និងជំនះពុះពារការលំបាក កសាងការប្តេជ្ញាចិត្ត សាមគ្គីភាព និងអនុវត្តភារកិច្ចដែលត្រូវបានប្រគល់ឲ្យប្រកបដោយជោគជ័យ។

ប្រតិភូនានាចូលរួមពិធីបើកលំហាត់សមយុទ្ធ

លោកឧត្តមសេនីយ៍ទោ Pham Hong Chuong ក៏បានស្នើឱ្យបណ្ដាកងកម្លាំងដែលចូលរួមក្នុងលំហាត់សមយុទ្ធនេះសិក្សា និងស្វែងយល់យ៉ាងម៉ឺងម៉ាត់នូវទស្សនៈ គោលការណ៍ និងយុទ្ធសាស្ត្ររបស់បក្សស្តីពីការការពារជាតិ និងសន្តិសុខក្នុងស្ថានភាពថ្មី; រួមបញ្ចូលទ្រឹស្តីនៃប្រតិបត្តិការតំបន់ការពារទប់ទល់ជាមួយនឹងលក្ខណៈជាក់ស្តែងនៃមូលដ្ឋាន ដើម្បីដោះស្រាយស្ថានភាពដែលសន្មតដោយគណៈកម្មការដឹកនាំលំហាត់សមយុទ្ធយោធភូមិភាគទី ២ ដោយធានាការអនុលោមតាមគោលការណ៍ និងស្របតាមស្ថានភាពជាក់ស្តែងនៅខេត្ត Phu Tho។

លោកឧត្តមសេនីយ៍ទោ Pham Hong Chuong បានស្នើថា ខ្លឹមសារនៃលំហាត់សមយុទ្ធយោធា A2 និងលំហាត់សមយុទ្ធបាញ់គ្រាប់ពិតត្រូវធ្វើឡើងស្របតាមផែនការដែលបានអនុម័តដោយគណៈកម្មការដឹកនាំនៃលំហាត់សមយុទ្ធនេះ ដោយធានាបាននូវសុវត្ថិភាពជាដាច់ខាតសម្រាប់មនុស្ស អាវុធនិងឧបករណ៍៕

បកប្រែដោយ Huyen Trang