លោកអគ្គលេខាបក្ស ប្រធានរដ្ឋ To Lam ធ្វើការជាមួយគណៈអចិន្ត្រៃយ៍នៃគណៈកម្មាធិការបក្សខេត្ត Quang Tri
កប.អនឡាញ - បន្តកម្មវិធីបំពេញទស្សនកិច្ចការងារនៅខេត្ត Quang Tri ភាគកណ្តាលវៀតណាម នារសៀលថ្ងៃទី ១៦ តុលា លោក To Lam អគ្គលេខាបក្ស ប្រធានរដ្ឋវៀតណាម បានជួបធ្វើការជាមួយគណៈអចិន្ត្រៃយ៍នៃគណៈកម្មាធិការបក្សខេត្តអំពីការអនុវត្តសេចក្តីសម្រេចចិត្តនៃមហាសន្និបាតបក្សគ្រប់លំដាប់ថ្នាក់ ទាក់ទិននឹងការអភិវឌ្ឍសេដ្ឋកិច្ច សង្គមកិច្ច ធានាការពារជាតិ និងសន្តិសុខ កសាងបក្ស និងប្រព័ន្ធនយោបាយ។
ថ្លែងមតិក្នុងជំនួបនេះ លោកអគ្គលេខាបក្ស ប្រធានរដ្ឋ To Lam បានសង្កត់ធ្ងន់ថា ខេត្ត Quang Tri គឺជាតំបន់ប្រវត្តិសាស្ត្រវីរភាពដែលពោរពេញទៅដោយប្រពៃណីបដិវត្តន៍ ប្រជាជនមានឆន្ទៈមោះមុត និងបំណងប្រាថ្នាឈានទៅមុខ។
    |
 |
|
លោកអគ្គលេខាបក្ស ប្រធានរដ្ឋ To Lam ថ្លែងក្នុងកិច្ចប្រជុំ (រូបថត៖ vnanet.vn) |
លោកអគ្គលេខាបក្ស ប្រធានរដ្ឋ ក៏បានសង្កត់ធ្ងន់លើសក្ដានុពល និងគុណសម្បត្តិរបស់ខេត្ត Quang Tri ជាពិសេសប្រព័ន្ធគមនាគមន៍ ការតភ្ជាប់ខាងជើង - ខាងត្បូង ការតភ្ជាប់ខាងកើត - ខាងលិច និងជាសក្តានុពលសម្រាប់ការអភិវឌ្ឍន៍ថាមពល ជាពិសេសថាមពលស្អាត និងមានដីធ្លីអំណោយផលសម្រាប់ការវិនិយោគក្នុងការអភិវឌ្ឍឧស្សាហកម្ម។ លោកអគ្គលេខាបក្ស ប្រធានរដ្ឋ To Lam បានស្នើឱ្យខេត្ត Quang Tri បន្តធ្វើបានល្អនូវការងារកសាងបក្ស កសាងប្រព័ន្ធនយោបាយស្អាតស្អំ រឹងមាំ ប្រតិបត្តិការប្រកបដោយប្រសិទ្ធភាព។ លោកអគ្គលេខាបក្ស និងជាប្រធានរដ្ឋ To Lam បានមានប្រសាសន៍ថា ខេត្ត Quang Tri ចាំបាច់ត្រូវផ្តោតលើការវិនិយោគក្នុងវិស័យអប់រំ និងសុខាភិបាល លើកកំពស់ចំណេះដឹងរបស់ប្រជាជន សុខភាពសហគមន៍ ការអភិវឌ្ឍន៍វប្បធម៌ និងកីឡា។
នារសៀលថ្ងៃទី ១៦ តុលា លោកអគ្គលេខាបក្ស និងជាប្រធានរដ្ឋ To Lam បានជួបសំណេះសំណាល និងប្រគល់អំណោយលើកទឹកចិត្តដល់វីរៈអ្នកម្ដាយវៀតណាម យុទ្ធជនពិការ យុទ្ធជនជំងឺ និងគ្រួសារទទួលរបបឧបត្ថម្ភគោលនយោបាយមួយចំនួន៕
បកប្រែដោយ Duy Hoan