ស្ថានទូតចិនប្រចាំវៀតណាមអបអរសាទរខួបលើកទី ៩៧ នៃការបង្កើតកងទ័ពរំដោះប្រជាជនចិន

ថ្លែងមតិក្នុងពិធី លោកវរសេនីយ៍ឯក Jiang Bo អនុព័ន្ធយោធាចិនប្រចាំនៅវៀតណាមបានរំលឹកឡើងវិញនូវដំណើរការកសាង និងរីកចម្រើននៃកងទ័ពរំដោះប្រជាជនចិនក្នុងរយៈពេល ៩៧ ឆ្នាំកន្លងមក។ លោកសង្កត់ធ្ងន់ថា កងទ័ពរំដោះប្រជាជនចិនត្រៀមខ្លួនជាស្រេចសហការជាមួយភាគីវៀតណាម ដើម្បីជំរុញការអភិវឌ្ឍទំនាក់ទំនងរវាងកងទ័ពទាំងពីរ រួមចំណែកអភិវឌ្ឍទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយរវាងប្រទេសទាំងពីរ។

លោកឧត្តមសេនីយ៍ឯក Hoang Xuan Chien និងប្រតិភូក្នុងពិធី

តាងនាមគណៈកម្មាធិការបក្សយោធាមជ្ឈិម និងក្រសួងការពារប្រទេសវៀតណាម លោកឧត្តមសេនីយ៍ឯក Hoang Xuan Chien បានផ្ញើសារអបអរសាទរជូនថ្នាក់ដឹកនាំ នាយទាហាន និងយុទ្ធជនទាំងអស់នៃកងទ័ពរំដោះប្រជាជនចិន។ លោកឧត្តមសេនីយ៍ឯក Hoang Xuan Chien បានវាយតម្លៃថា ក្នុងប៉ុន្មានឆ្នាំថ្មីៗនេះ ទំនាក់ទំនងសហប្រតិបត្តិការលើវិស័យការពារជាតិវៀតណាម-ចិន បន្តជាសសរស្តម្ភសំខាន់ក្នុងទំនាក់ទំនងរវាងប្រទេសទាំងពីរ ដែលបង្ហាញតាមរយៈកិច្ចសហប្រតិបត្តិការជាក់ស្តែងនិងមានប្រសិទ្ធភាពលើគ្រប់វិស័យ។ លោកឧត្តមសេនីយ៍ឯក Hoang Xuan Chien បានជឿជាក់ថា ដោយមានទំនាក់ទំនងមិត្តភាពជាប្រពៃណី និងការប្តេជ្ញាចិត្តរបស់ថ្នាក់ដឹកនាំនៃបក្សទាំងពីរ រដ្ឋទាំងពីរ និងកងទ័ពទាំងពីរ ទំនាក់ទំនងសហប្រតិបត្តិការលើវិស័យការពារជាតិទ្វេភាគី នឹងកាន់តែមានភាពជាក់ស្ដែង និងគួរឲ្យទុកចិត្ត នាំមកនូវផលប្រយោជន៍ជាក់ស្តែងសម្រាប់ប្រជាជននៃប្រទេសទាំងពីរ ដើម្បីសន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក៕

បកប្រែដោយ Thuy Anh