បន្តជំរុញកិច្ចសហប្រតិបត្តិការលើវិស័យការពារជាតិរវាងវៀតណាម ជាមួយ​ចិន EU និងអូទ្រីស

លោកឧត្តមសេនីយ៍ឯក Hoang Xuan Chien បានថ្លែងអំណរគុណចំពោះរដ្ឋមន្ត្រីក្រសួងការពារជាតិអូទ្រីស ដែលបានចូលរួមពិធីបង្ហាញមុខសៀវភៅគោលនយោបាយសន្តិសុខ និងការពាររួមរបស់សហភាពអឺរ៉ុប។ នេះគឺជាសកម្មភាពសហប្រតិបត្តិការមួយក្នុងវិស័យការពារជាតិរវាងវៀតណាម និង EU ស្របតាមក្របខ័ណ្ឌនៃកិច្ចព្រមព្រៀងស្តីពីការបង្កើតក្របខ័ណ្ឌចូលរួមរបស់វៀតណាមក្នុងសកម្មភាពគ្រប់គ្រងវិបត្តិរបស់ EU (FPA) ដែលបានចុះហត្ថលេខាក្នុងខែតុលា ឆ្នាំ ២០១៩ និងភាពជាដៃគូកិច្ចសហប្រតិបត្តិការលើគ្រប់ជ្រុងជ្រោយរវាងវៀតណាម និងសហភាពអឺរ៉ុប។

លោកឧត្តមសេនីយ៍ឯក Hoang Xuan Chien  ទទួលជួបជាមួយលោក Arnold H. Kammel រដ្ឋមន្ត្រីក្រសួងការពារជាតិអូទ្រីស

លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា នាពេលថ្មីៗនេះ ទំនាក់ទំនងសហប្រតិបត្តិការលើវិស័យការពារជាតិរវាងវៀតណាម និង EU ទទួលបានលទ្ធផលវិជ្ជមាន និងលេចធ្លោក្នុងវិស័យដូចជា កិច្ចសន្ទនាលើវិស័យការពារជាតិ សន្តិសុខ និងការថែរក្សាសន្តិភាអង្គកាសហប្រជាជាតិ។ អំពីទិសដៅនៃកិច្ចសហប្រតិបត្តិការនាពេលខាងមុខ លោកឧត្តមសេនីយ៍ឯក Hoang Xuan Chien បានស្នើឲ្យរដ្ឋមន្ត្រីក្រសួងការពារជាតិអូទ្រីស បន្តយកចិត្តទុកដាក់ និងជំរុញខ្លឹមសារនៃកិច្ចសហប្រតិបត្តិការលើវិស័យការពារជាតិរវាងវៀតណាម  និង EU ដោយផ្តោតសំខាន់លើ៖ ការផ្លាស់ប្តូរគណៈប្រតិភូ កិច្ចសន្ទនាការពារជាតិ និងសន្តិសុខ កិច្ចសហប្រតិបត្តិការរវាងស្ថាប័នស្រាវជ្រាវ ការបណ្តុះបណ្តាល និងការរក្សាសន្តិភាពនៃអង្គការសហប្រជាជាតិ ពិព័រណ៍ការពារជាតិអន្តរជាតិវៀតណាមឆ្នាំ ២០២៤។ លោកបានអះអាងថា វៀតណាមត្រៀមខ្លួនជាស្រេចក្នុងការទទួលយោធិនរបស់ក្រសួងការពារជាតិអូទ្រីសទៅសិក្សាភាសាវៀតណាម និងចូលរួមវគ្គស្រាវជ្រាវគោលនយោបាយការពារជាតិនៅបណ្ឌិតសភាការពារជាតិ។

រីឯខ្លួនវិញ លោក Arnold H.Kammel ជឿជាក់ថា ការបង្ហាញមុខសៀវភៅគោលនយោបាយសន្តិសុខ និងការពាររួមរបស់ EU នឹងរួមចំណែកយ៉ាងសំខាន់ក្នុងការជំរុញកិច្ចសហប្រតិបត្តិការប្រកបដោយគុណភាពរវាងវៀតណាម និង EU ។ លោកបានឯកភាពនឹងសំណើរបស់លោកឧត្តមសេនីយ៍ឯក Hoang Xuan Chien អំពីទិសដៅនៃកិច្ចសហប្រតិបត្តិការនាពេលខាងមុខរវាងវៀតណាម និង EU ដោយសង្កត់ធ្ងន់លើសក្ដានុពលនៃកិច្ចសហប្រតិបត្តិការលើវិស័យអប់រំ-បណ្តុះបណ្តាល និងការកសាងសមត្ថភាពក្នុងវិស័យរក្សាសន្តិភាពរបស់អង្គការសហប្រជាជាតិ។ លោកអះអាងថា ការជំរុញកិច្ចសហប្រតិបត្តិការរវាងវៀតណាម និងអូទ្រីសនឹងរួមចំណែកអភិវឌ្ឍន៍ទំនាក់ទំនងរវាងវៀតណាម និង EU និយាយរួម។

* នាព្រឹកថ្ងៃដដែល នៅទីស្នាក់ការក្រសួងការពារប្រទេស លោកឧត្តមសេនីយ៍ឯក Hoang Xuan Chien បានទទួលជួបលោកវរសេនីយ៍ឯក Jiangbo អនុព័ន្ធយោធាចិនប្រចាំនៅវៀតណាមអញ្ជើញមកសម្តែងការគួរសម។ អបអរសាទរចំពោះលោកវរសេនីយ៍ឯក Jiangbo ដែលបានចាប់ផ្តើមអាណត្តិថ្មីជាអនុព័ន្ធយោធាចិនប្រចាំនៅវៀតណាម លោកឧត្តមសេនីយ៍ឯក Hoang Xuan Chien ជឿជាក់ថា លោកវរសេនីយ៍ឯក Khuong Ba នឹងមានអាណត្តិជោគជ័យ និងរួមចំណែកជាវិជ្ជមានសម្រាប់ការអភិវឌ្ឍន៍កិច្ចសហប្រតិបត្តិការលើវិស័យការពារជាតិវៀតណាម-ចិន នាពេលខាងមុខ។

លោកឧត្តមសេនីយ៍ឯក Hoang Xuan Chien ទទួលជួបលោកវរសេនីយ៍ឯក Jiangbo អនុព័ន្ធយោធាចិនប្រចាំនៅវៀតណាម

ក្នុងរយៈពេលកន្លងមក កិច្ចសហប្រតិបត្តិការលើវិស័យការពារជាតិទ្វេភាគីបន្តត្រូវបានបញ្ជាក់ថាជាសសរស្តម្ភសំខាន់ក្នុងទំនាក់ទំនងរវាងប្រទេសទាំងពីរ បានបង្ហាញតាមរយៈខ្លឹមសារកិច្ចសហប្រតិបត្តិការជាក់ស្តែង និងមានប្រសិទ្ធភាពជាច្រើនក្នុងវិស័យនានាដូចជា៖ គណៈប្រតិភូគ្រប់លំដាប់ថ្នាក់ ជាពិសេសគណៈប្រតិភូជាន់ខ្ពស់ កិច្ចសហប្រតិបត្តិការក្នុងការគ្រប់គ្រង និងការពារព្រំដែន ការផ្លាស់ប្តូរមិត្តភាពការពារជាតិព្រំដែនវៀតណាម-ចិនលើកទី៨ កិច្ចសហប្រតិបត្តិការរវាងបណ្តាអង្គភាពទ័ព និងក្នុងវិស័យអប់រំជាដើម។

លោកវរសេនីយ៍ឯក Jiangbo បានសម្តែងនូវកិត្តិយសដែលត្រូវបានតែងតាំងជាអនុព័ន្ធយោធាចិនប្រចាំនៅវៀតណាម។ លោកអះអាងថានឹងត្រៀមខ្លួនជាស្រេចក្នុងការសម្របសម្រួលជាមួយស្ថាប័នមុខងារនៃក្រសួងការពារជាតិវៀតណាម ដើម្បីដាក់ពង្រាយ និងជំរុញកិច្ចសហប្រតិបត្តិការលើវិស័យការពារជាតិរវាងភាគីទាំងពីរ ដោយផ្អែកលើការយល់ដឹងរួមរបស់ថ្នាក់ដឹកនាំជាន់ខ្ពស់នៃប្រទេសទាំងពីរ។

បកប្រែដោយ Duy Hoan