កម្មវិធីជួបប្រាស្រ័យនាយទាហានវ័យក្មេងវៀតណាម-ចិនឆ្នាំ ២០២៤៖
គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាមទៅទស្សនាមន្ទីរពេទ្យ Nan Xi Shan ប្រទេសចិន
កប.អនឡាញ - ក្នុងក្របខ័ណ្ឌនៃកម្មវិធីជួបប្រាស្រ័យនាយទាហានវ័យក្មេងវៀតណាម-ចិនឆ្នាំ ២០២៤ នៅប្រទេសចិន នារសៀលថ្ងៃទី១៦ ខែមិថុនា គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម ដឹកនាំដោយលោកវរសេនីយ៍ឯក Tran Huu Dung អនុប្រធានគណៈយុវជនកងទ័ព បានទៅទស្សនាមន្ទីរពេទ្យ Nan Xi Shan ក្នុងទីក្រុង Guilin ខេត្ត Guangxi។
លោក Liu Hong Lin លេខាគណៈកម្មាធិការបក្សនៃមន្ទីរពេទ្យ Nan Xi Shan បានឧទ្ទេសនាមដល់គណៈប្រតិភូអំពីប្រវត្តិ និងការរីកចម្រើនរបស់មន្ទីរពេទ្យ ជាពិសេសការជួយព្យាបាលឲ្យយុទ្ធជនជំងឺ និងយុទ្ធជនពិការវៀតណាម ក្នុងរយៈពេលតស៊ូដើម្បីឯករាជ្យជាតិរបស់វៀតណាម។
    |
 |
|
នាយទាហានវ័យក្មេងនៃកងទ័ពប្រជាជនវៀតណាម ទៅទស្សនាសារមន្ទីរនៃមន្ទីរពេទ្យ Nan Xi Shan |
ក្នុងនាមគណៈប្រតិភូ លោកវរសេនីយ៍ឯក Tran Huu Dung បានថ្លែងអំណរគុណចំពោះថ្នាក់ដឹកនាំមន្ទីរពេទ្យ Nan Xi Shan ដែលបានស្វាគមន៍យ៉ាងកក់ក្តៅ ព្រមទាំង លោកសង្កត់ធ្ងន់ថា ពីឆ្នាំ១៩៦៩ ដល់ឆ្នាំ១៩៧៥ មន្ទីរពេទ្យ Nan Xi Shan បានព្យាបាលសម្រាប់យុទ្ធជនពិការ យុទ្ធជនជំងឺវៀតណាមជាង ៥,០០០ នាក់ រួមវិភាគទានជាមួយប្រជាជនចិន ក្នុងការផ្តល់ជំនួយដល់ការតស៊ូរំដោះប្រទេសជាតិរបស់ប្រជាជនវៀតណាម។
គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាមបានចាត់ទុកថា មន្ទីរពេទ្យ Nan Xi Shan គឺជានិមិត្តរូបមួយនៃទំនាក់ទំនងមិត្តភាពវៀតណាម-ចិន ហើយសំដែងនូវការដឹងគុណចំពោះជំនួយដ៏មានតម្លៃ និងការប្តេជ្ញាបន្តកសាង ពូនជ្រំ និងអភិវឌ្ឍទំនាក់ទំនងមិត្តភាពវៀតណាម-ចិន នាពេលខាងមុខ តាមរយៈសកម្មភាពជាក់ស្តែង៕
បកប្រែដោយ Thanh Cong