លោកនាយឧត្តមសេនីយ៍ Phan Van Giang អបអរសាទរចំពោះសហរដ្ឋអាមេរិកដែលបានរៀបចំកិច្ចប្រជុំបើកក្រុមប្រឹក្សាសន្តិភាពស្ដីពីហ្គាហ្សាដោយជោគជ័យ។ លោកបញ្ជាក់ថា វៀតណាមតែងតែចាត់ទុកសហរដ្ឋអាមេរិកជាដៃគូសំខាន់មួយរបស់ខ្លួន ជាពិសេសក្នុងវិស័យសេដ្ឋកិច្ច និងពាណិជ្ជកម្ម ហើយសម្តែងបំណងប្រាថ្នាថា ប្រទេសទាំងពីរបន្តសហប្រតិបត្តិការបន្ថែមទៀតដោយផ្អែកលើសមភាព ផលប្រយោជន៍ទៅវិញទៅមក ការគោរពច្បាប់អន្តរជាតិ ឯករាជ្យភាព អធិបតេយ្យភាព បូរណភាពទឹកដី និងរបបនយោបាយ រួមចំណែកដល់ការរក្សាសន្តិសុខ សន្តិភាព ស្ថិរភាព និងការអភិវឌ្ឍនៅក្នុងតំបន់ និងពិភពលោក។

leftcenterrightdel
លោកនាយឧត្តមសេនីយ៍ Phan Van Giang ជួបពិភាក្សាជាមួយលោក Elbridge A. Colby

លោកនាយឧត្តមសេនីយ៍ Phan Van Giang បានបញ្ជាក់ថា នាពេលកន្លងនេះ ក្រសួងការពារប្រទេសវៀតណាម និងក្រសួងសង្គ្រាមសហរដ្ឋអាមេរិក បានសហការប្រកបដោយប្រសិទ្ធភាពក្នុងការអនុវត្តខ្លឹមសារសហប្រតិបត្តិការ ដោយផ្អែកលើកិច្ចព្រមព្រៀងដែលបានចុះហត្ថលេខា និងការដឹកនាំពីថ្នាក់ដឹកនាំជាន់ខ្ពស់នៃប្រទេសទាំងពីរ ជាពិសេសនៅក្នុងការផ្លាស់ប្តូរគណៈប្រតិភូ និងជំនួបគ្រប់លំដាប់ថ្នាក់ កិច្ចសហប្រតិបត្តិការក្នុងការជំនះផលវិបាកនៃសង្គ្រាម ការរក្សាសន្តិភាពរបស់អង្គការសហប្រជាជាតិ ការអប់រំនិងការបណ្តុះបណ្តាល...។

លោក Elbridge A. Colby បានផ្ញើសារជូនពរក្នុងឱកាសបុណ្យចូលឆ្នាំថ្មីប្រពៃណីវៀតណាម និងសម្តែងនូវគោលបំណងចង់ពង្រឹងកិច្ចសហប្រតិបត្តិការការពារជាតិដើម្បីសន្តិភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាព។ លោកបញ្ជាក់ថា ក្រសួងសង្គ្រាមសហរដ្ឋអាមេរិក នឹងបន្តជួយគាំទ្រវៀតណាមក្នុងការជំនះផលវិបាកនៃសង្គ្រាម កំណត់អត្តសញ្ញាណកងទ័ពវៀតណាមដែលបានពលីជីវិត ឬបាត់ខ្លួនក្នុងសម័យសង្គ្រាម និងក្នុងវិស័យអប់រំ និងបណ្តុះបណ្តាល...

leftcenterrightdel
លោកនាយឧត្តមសេនីយ៍ Phan Van Giang ប្រគល់អំណោយជូនលោក Elbridge A. Colby

លោកនាយឧត្តមសេនីយ៍ Phan Van Giang បានស្នើឲ្យភាគីទាំងពីរបន្តសហការក្នុងការអនុវត្តកិច្ចព្រមព្រៀងដែលភាគីទាំងពីរបានចុះហត្ថលេខាប្រកបដោយប្រសិទ្ធភាព រួមទាំងអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការក្នុងការជំនះផលវិបាកនៃសង្គ្រាម ដែលបានចុះហត្ថលេខាក្នុងខែតុលា ឆ្នាំ២០២៥។ លោកនាយឧត្តមសេនីយ៍ Phan Van Giang បានបញ្ជាក់ថា វៀតណាមបន្តបង្កើតលក្ខខណ្ឌអំណោយផលសម្រាប់ការស្វែងរកទាហានអាមេរិកដែលបាត់ខ្លួនក្នុងប្រតិបត្តិការ (MIA) ហើយសម្តែងក្តីសង្ឃឹមថា សហរដ្ឋអាមេរិកនឹងបង្កើនការចែករំលែកព័ត៌មាន ឯកសារ និងវត្ថុអនុស្សាវរីយ៍ទាក់ទងនឹងកងទ័ពវៀតណាមដែលបានពលីជីវិត ឬបាត់ខ្លួនក្នុងសម័យសង្គ្រាម។

* ក្នុងឱកាសនេះ លោកនាយឧត្តមសេនីយ៍ Phan Van Giang បានទៅសួរសុខទុក្ខ លើកទឹកចិត្ត និងជូនពរឆ្នាំថ្មីដល់កម្មាភិបាល និងនាយទាហាននៃការិយាល័យអនុព័ន្ធយោធាវៀតណាមនៅសហរដ្ឋអាមេរិក៕

បកប្រែដោយ Thuy Anh