នាវាលេខ ១៧ បញ្ចប់ដំណើរទស្សនកិច្ច ផ្លាស់ប្តូរជាមួយកងទ័ពជើងទឹកម៉ាឡេស៊ី
កប.អនឡាញ - នៅរសៀលថ្ងៃទី ៥ ខែកុម្ភៈ នាវាលេខ១៧ នៃកងពលតូចលេខ ១៧១ តំបន់លេខ ២ នៃកងទ័ពជើងទឹកប្រជាជនវៀតណាម រួមជាមួយក្រុមបេសកកម្មកងទ័ពជើងទឹកប្រជាជនវៀតណាម ដែលដឹកនាំដោយលោកវរនាវីឯក Le Dinh Nghi អនុប្រធានសេនាធិការនៃតំបន់លេខ ២ បានចាកចេញពីមូលដ្ឋានទ័ពជើងទឹក Lumut ដោយបញ្ចប់ដំណើរទស្សនកិច្ច និងផ្លាស់ប្តូរជាមួយកងទ័ពជើងទឹកម៉ាឡេស៊ី។
ពិធីជូនដំណើរបានប្រព្រឹត្តទៅយ៉ាងឧឡារិកនៅមូលដ្ឋានទ័ពជើងទឹក Lumut។ លោកវរនាវីឯក Murthi Subromoniam ប្រធានការិយាល័យប្រយុទ្ធ កងនាវាចរខាងលិច កងទ័ពជើងទឹកភូមិន្ទម៉ាឡេស៊ី បានធ្វើជាអធិបតីក្នុងពិធីនេះ។
    |
 |
|
នាវាលេខ ១៧ នៃកងពលតូចលេខ ១៧១ ចាកចេញពីមូលដ្ឋានទ័ពជើងទឹក Lumut |
សូមរំលឹកដែរថា នាយទាហាន និងនាវិកនៃនាវាលេខ ១៧ បានត្រៀមរៀបចំឧបករណ៍បច្ចេកទេស បំពេញប្រេងឥន្ធនៈ ទឹកសាប និងត្រៀមរៀបចំយ៉ាងហ្មត់ចត់សម្រាប់ដំណើរដ៏វែងឆ្ងាយរបស់នាវា។
បន្ទាប់ពីដំណើរទស្សនកិច្ច និងការផ្លាស់ប្តូរជាមួយកងទ័ពជើងទឹកម៉ាឡេស៊ី នាវាលេខ ១៧ និងក្រុមបេសកកម្មកងទ័ពជើងទឹកប្រជាជនវៀតណាម នឹងបន្តដំណើរចូលរួមក្នុងហាត់សម MILAN 2026 នៅប្រទេសឥណ្ឌា។ តាមគម្រោង នៅថ្ងៃទី១២ ខែកុម្ភៈ នាវាលេខ ១៧ និងក្រុមបេសកកម្មនឹងទៅដល់ទីក្រុង Visakhapatnam ប្រទេសឥណ្ឌា ដែលជាទីក្រុងប្រព្រឹត្តទៅហាត់យុទ្ធ MILAN 2026៕
បកប្រែដោយ Thuy Anh