កងពេទ្យកម្រិត ២ លេខ៦ ធ្វើការហ្វឹកហ្វឺនការដឹកជញ្ជូនតាមផ្លូវអាកាស
កប.អនឡាញ - វគ្គហ្វឹកហ្វឺនការដឹកជញ្ជូនតាមផ្លូវអាកាសមានគោលបំណងផ្តល់ចំណេះដឹងដល់កម្មាភិបាល យុទ្ធជននៃក្រុមដឹកជញ្ជូនតាមផ្លូវអាកាសរបស់កងពេទ្យកម្រិត២ លេខ៦ ដែលត្រៀមចូលរួមប្រតិបត្តិការរក្សាសន្តិភាពរបស់អង្គការសហប្រជាជាតិ និងកងកម្លាំងដឹកជញ្ជូនតាមផ្លូវអាកាសនៃអង្គភាពពាក់ព័ន្ធនានា។
វគ្គហ្វឹកហ្វឺនបានបើកនាព្រឹកថ្ងៃទី១០ មិថុនា នៅទីក្រុងហាណូយ ហើយនឹងប្រព្រឹត្តទៅរហូតដល់ថ្ងៃទី១៦ ខែមិថុនា ដោយមានការចូលរួមពីសិក្ខាកាមចំនួន ២៨ នាក់ ដែលបានបង្រៀនដោយគ្រូបង្រៀនមកពីសាលាពេទ្យយោធាកងទ័ពជើងគោកអូស្ត្រាលី និងការជួយគាំទ្រពីកម្មាភិបាលមកពីវិទ្យាស្ថានពេទ្យយោធា មន្ទីរពេទ្យយោធា១៧៥ និងប្រភេទទ័ពការពារដែនអាកាស និងទ័ពជើងអាកាស។
ជាពិសេសវគ្គហ្វឹកហ្វឺននេះមានការចូលរួមពីកម្មាភិបាល បុគ្គលិកមួយចំនួនដែលបានចូលរួមដោយផ្ទាល់នៅក្នុងក្រុមដឹកជញ្ជូនតាមផ្លូវអាកាសនៃកងពេទ្យកម្រិត ២ របស់ប្រទេសវៀតណាមបានបញ្ចប់អាណត្តិ។ នេះជាវគ្គហ្វឹកហ្វឺនដឹកជញ្ជូនតាមផ្លូវអាកាស លើកទី៥ ដែលគាំទ្រដោយប្រទេសអូស្ត្រាលីសម្រាប់កងពេទ្យកម្រិត២របស់វៀតណាម។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/06/11/upload_2133/img_6873.jpg?dpi=150&quality=100&w=500) |
ប្រតិភូទាំងឡាយជាមួយគ្រួបង្រៀន និងសិក្ខាកាមចូលរួមវគ្គហ្វឹកហ្វឺន |
សិក្ខាកាមនឹងត្រូវបានបំពាក់ចំណេះដឹងទូទៅអំពីការដឹកជញ្ជូនតាមផ្លូវអាកាសស្របតាមស្តង់ដារអន្តរជាតិ និងអង្គការសហប្រជាជាតិដែលផ្អែកលើការអនុវត្តជាក់ស្តែងនៅក្នុងប្រទេសស៊ូដង់ខាងត្បូង... ក្នុងដំណាក់កាលអនុវត្តជាក់ស្តែងជាមួយឧទ្ធម្ភាគចក្រ សិក្ខាកាមនឹងមានឱកាសអនុវត្តចំណេះដឹងក្នុងការដឹកជញ្ជូនតាមផ្លូវអាកាស អនុវត្តលំហាត់លើការលើកដាក់អ្នកជំងឺឡើងចុះឧទ្ធម្ភាគចក្រ និងដោះស្រាយស្ថានភាពនានាតាមសេណារីយ៉ូ៕
បកប្រែដោយ Duy Hoan