កងទ័ពជើងទឹកនៃបណ្ដាប្រទេសបញ្ចប់ដំណាក់កាលនៅកំពង់ផែ

ចូលរួមសិក្ខាសាលានេះមានលោក Jagdeep Dhankhar អនុប្រធានាធិបតីឥណ្ឌា តំណាងស្ថាប័នការបរទេស និងកងទ័ពជើងទឹកនៃប្រទេសចូលរួមហាត់សម។ លោកឧត្តមនាវីត្រី Pham Manh Hung មេបញ្ជាការរង នាយសេនាធិការនៃកងទ័ពជើងទឹកវៀតណាម និងក្រុមបេសកកម្មនាវាលេខ ២០ (កងវរសេនាតូចលេខ ១៣២ កងពលតូចលេខ ១៧២ កងទ័ពជើងទឹក តំបន់លេខ ៣) តំណាងឲ្យកងទ័ពជើងទឹកប្រជាជនវៀតណាមចូលរួមសិក្ខាសាលានេះ។

ទិដ្ឋភាពនៃសិក្ខាសាលា

ដោយមានប្រធានបទ "ភាពជាដៃគូនៅលើមហាសមុទ្រទាំងអស់៖ កិច្ចសហប្រតិបត្តិការ កងកម្លាំងចម្រុះ កំណើន" វាគ្មិនមកពីប្រទេសចំនួន ១២ បានធ្វើបទបង្ហាញអំពីវិស័យសំខាន់ៗដូចជា៖ កំណើនសេដ្ឋកិច្ច សន្តិសុខនៃការធ្វើនាវាចរណ៍ ការកាត់បន្ថយការប្រែប្រួលអាកាសធាតុ ការកសាងសេដ្ឋកិច្ចបៃតង និងការអភិវឌ្ឍហេដ្ឋារចនាសម្ព័ន្ធនាវាចរណ៍ប្រកបដោយចីរភាព។ នៅក្នុងសិក្ខាសាលានេះ វាគ្មិនបានសង្កត់ធ្ងន់លើសារៈសំខាន់រយៈពេលវែងនៃកិច្ចសហប្រតិបត្តិការអន្តរជាតិក្នុងការដោះស្រាយបញ្ហាប្រឈមដែលសហគមន៍នាវាចរណ៍ពិភពលោកកំពុងប្រឈមមុខ។ តាមរយៈការសន្ទនា និងកិច្ចសហប្រតិបត្តិការ ភាគីទាំងឡាយបានឆ្ពោះទៅការកសាងផ្នែកនាវាចរណ៍ប្រកបដោយសុវត្ថិភាព ចីរភាព និងវិបុលភាព។

* សូមរំលឹកថា នៅយប់ថ្ងៃទី ២២ ខែកុម្ភៈ កងទ័ពជើងទឹកនៃប្រទេសទាំងឡាយ បានចូលរួមក្នុងការក្បួនដង្ហែតាមដងផ្លូវប្របមាត់សមុទ្រនៃទីក្រុង Visakhapatnam។

* ថ្ងៃទី ២៣ ខែកុម្ភៈ គឺជាថ្ងៃចុងក្រោយនៃដំណាក់កាលកំពង់ផែក្នុងក្របខ័ណ្ឌនៃការសមហាត់ MILAN 2024 នៅប្រទេសឥណ្ឌា។ នាព្រឹកថ្ងៃដដែល តំណាងកងទ័ពជើងទឹកនៃប្រទេសទាំងឡាយបានបន្តពិភាក្សាអំពីផែនការហាត់សមនៅសមុទ្រ ដើម្បីត្រៀមរៀបចំដំណាក់កាលហាត់សមនៅសមុទ្រ៕

បកប្រែដោយ Thanh Cong