លោកនាយឧត្តមសេនីយ៍ Luong Cuong អញ្ជើញជាអធិបតីក្នុងពិធីទទួលបដិសណ្ឋារកិច្ចលោកប្រធានអគ្គស្នងការនយោបាយនៃកងទ័ពប្រជាជនឡាវ

លោកនាយឧត្តមសេនីយ៍ Luong Cuong ទទួលស្វាគមន៍លោកឧត្តមសេនីយ៍ឯក Thongloi Silivong

ដំណើរទស្សនកិច្ចជាផ្លូវការនៅវៀតណាមរបស់លោកឧត្តមសេនីយ៍ឯក Thongloi Silivong បានប្រព្រឹត្តទៅក្នុងបរិបទនៃទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់ជ្រុងជ្រោយរវាងវៀតណាម-ឡាវ និងឡាវ-វៀតណាម កំពុងរីកចម្រើនដោយឥតឈប់ឈរលើគ្រប់វិស័យ។

លោកនាយឧត្តមសេនីយ៍ Luong Cuong និងលោកឧត្តមសេនីយ៍ឯក Thongloi Silivong អញ្ជើញត្រួតពលកងទ័ពប្រជាជនវៀតណាម

កិច្ចសហប្រតិបត្តិការលើវិស័យការពារជាតិត្រូវបានចាត់ទុកជាសសរស្តម្ភសំខាន់នៃទំនាក់ទំនងវៀតណាម-ឡាវ ក្នុងនោះការងារបក្ស និងការងារនយោបាយគឺជាវិស័យដ៏សំខាន់នៃកិច្ចសហប្រតិបត្តិការរវាងកងទ័ពប្រជាជនវៀតណាម និងកងទ័ពប្រជាជនឡាវ ដែលត្រូវបានអនុវត្តយ៉ាងទូលំទូលាយ ស៊ីជម្រៅ ជាក់ស្តែង និងមានប្រសិទ្ធភាព រួមចំណែកក្នុងការកសាងកងទ័ពដ៏រឹងមាំ។

គណៈប្រតិភូទាំងពីរថតរូបជាមួយគ្នា

ដំណើរទស្សនកិច្ចផ្លូវការរបស់លោកឧត្តមសេនីយ៍ឯក Thongloi Silivong នៅប្រទេសវៀតណាម ក្នុងគោលបំណងរក្សាជំនួបជាន់ខ្ពស់ រួមចំណែកពង្រឹងបន្ថែមទៀតនូវទំនុកចិត្តខាងនយោបាយ និងទំនាក់ទំនងសាមគ្គីភាពជិតស្និទ្ធរវាងប្រទេសទាំងពីរនិយាយរួម និងកងទ័ពទាំងពីរនិយាយដោយឡែក ហើយក៏ជាឱកាសសម្រាប់កងទ័ពទាំងពីរផ្លាស់ប្តូរ និងឯកភាពលើទិសដៅនៃកិច្ចសហប្រតិបត្តិការក្នុងការងារបក្ស និងការងារនយោបាយនាពេលខាងមុខ ជាពិសេសនៅឆ្នាំ២០២៤ ដែលជាឱកាសខួបលើកទី៨០ នៃការបង្កើតកងទ័ពប្រជាជនវៀតណាម (ថ្ងៃទី២២ ខែធ្នូ ឆ្នាំ១៩៤៤ / ថ្ងៃទី២២ ខែធ្នូ ឆ្នាំ២០២៤) និងខួបលើកទី ៧៥ នៃការបង្កើតកងទ័ពប្រជាជនឡាវ (ថ្ងៃទី២០ ខែមករា ឆ្នាំ១០៤៩ / ថ្ងៃទី ២០ ខែមករា ឆ្នាំ២០២៤)៕

បកប្រែដោយ Thuy Anh