លោកឧត្តមនាវីត្រី Tran Ngoc Quyet អញ្ជើញចូលរួមកិច្ចប្រជុំក្រុមទីប្រឹក្សាផែនទីបង្ហាញផ្លូវយុទ្ធសាស្ត្រ

អញ្ជើញចូលរួមកិច្ចប្រជុំនេះមានតំណាងគណៈកម្មាធិការធារាសាស្ត្រអាស៊ីបូព៌ា៖ ប្រ៊ុយណេ ហុងកុង (ចិន) ឥណ្ឌូនេស៊ី ជប៉ុន សិង្ហបុរី កូរ៉េខាងត្បូង វៀតណាម និងភ្ញៀវកិត្ដិយសមកពីអង់គ្លេស។

ទិដ្ឋភាពទូទៅនៃកិច្ចប្រជុំ

ថ្លែងសុន្ទរកថាបើកកិច្ចប្រជុំ លោកឧត្តមនាវីត្រី Tran Ngoc Quyet បានអះអាងថា៖ ការដែល EAHC ប្រគល់ឱ្យវៀតណាមធ្វើជាម្ចាស់ផ្ទះនៃកិច្ចប្រជុំ MSDIWG និង STAR TG ខណៈដែលវៀតណាមមិនទាន់ចូលជាសមាជិកពេញសិទ្ធិរបស់ EAHC គឺជាកិត្តិយស មោទនភាពផង និងជាទំនួលខុសត្រូវរបស់​វៀតណាមក្នុងការរួមចំណែកនិងអនុវត្តកម្មវិធីសកម្មភាពរបស់ EAHC ផង។ វៀតណាមប្តេជ្ញាថានឹងជាសមាជិកសកម្មនៃអង្គការជលធារាសាស្រ្តអន្តរជាតិ (IHO) និងមានបំណងចង់រួមចំណែកបន្ថែមទៀតដល់ការអភិវឌ្ឍរួមរបស់ IHO និង EAHC ព្រមទាំងលោកបានថ្លែងអំណរគុណយ៉ាងជ្រាលជ្រៅចំពោះប្រទេសជាសមាជិក EAHC ដែលបានជួយឧបត្ថម្ភវៀតណាមក្នុងរយៈពេល​កន្លងមក។

លោកឧត្តមនាវីត្រី Tran Ngoc Quyet (ទីពីរពីស្តាំ) ថ្លែងសុន្ទរកថាបើកកិច្ចប្រជុំ

លោកឧត្តមនាវីត្រី Tran Ngoc Quyet មានបំណងថា ប្រទេសជាសមាជិក EAHC នឹងបន្តគាំទ្រនិងឆាប់អនុម័ត​លើ​បទប្បញ្ញត្ដិជាសមាជិករបស់ EAHC សម្រាប់វៀតណាម។

ប្រតិភូថតរូបទុកជាអនុស្សាវរីយ៍

កិច្ចប្រជុំរបស់ EAHC លើកនេះនឹងពិនិត្យឡើងវិញនូវសេចក្ដីសម្រេចចិត្តនៅកិច្ចប្រជុំគណៈកម្មាធិការសម្របសម្រួលលើកទី ៨ និងលើកទី ៩ របស់ EAHC និងពិនិត្យឡើងវិញនូវផែនការយុទ្ធសាស្រ្តរបស់ IHO; របាយការណ៍អំពីដំណើរការកសាងហេដ្ឋារចនាសម្ព័ន្ធលំហសមុទ្ររបស់ IHO និង EAHC និងបណ្ដាប្រទេសជាសមាជិក EAHC; របាយការណ៍អំពីគម្រោងហេដ្ឋារចនាសម្ព័ន្ធលំហសមុទ្ររបស់ IHO (ទទួលបន្ទុកដោយសិង្ហបុរី); លើកសំណើគម្រោងថ្មីលើមូលដ្ឋានទិន្នន័យលំហសមុទ្ររបស់ EAHC និងបោះឆ្នោតជ្រើសតាំងប្រធាន និងអនុប្រធានរបស់ MSDIWG៕

បកប្រែដោយ Pham Diep