នាវាលេខ២៨៦ - Le Quy Don ចាកចេញពីទីក្រុង Nha Trang ទៅបំពេញទស្សនកិច្ចនៅម៉ាឡេស៊ី
កប.អនឡាញ - នាព្រឹកថ្ងៃទី ២៤ ខែកញ្ញា នាវាសំពៅលេខ ២៨៦-Le Quy Don (នៃបណ្ឌិតសភាកងទ័ពជើងទឹកវៀតណាម) និងគណៈប្រតិភូដែលដឹកនាំដោយលោកវរសេនីយ៍ឯក Huynh Vinh Tuyen នាយករងនៃបណ្ឌិតសភាកងទ័ពជើងទឹក បានចាកចេញពីទីក្រុង Nha Trang (ខេត្ត Khanh Hoa) បំពេញដំណើរទស្សនកិច្ចនៅម៉ាឡេស៊ី។
តាមគម្រោង គណៈប្រតិភូនឹងចូលជួបសម្តែងការគួរសមជាមួយអាជ្ញាធរមូលដ្ឋាន មេបញ្ជាការអង្គភាពកងទ័ពជើងទឹកនៅមូលដ្ឋាន Lumut នៃកងទ័ពជើងទឹកម៉ាឡេស៊ី រៀបចំពិធីជប់លៀង ការផ្លាស់ប្តូរសិល្បៈនៅលើនាវា ផ្លាស់ប្តូរវប្បធម៌-កីឡាជាមួយកងទ័ពជើងទឹកម៉ាឡេស៊ី ទស្សនាកេរិ៍្តដំណែលប្រវត្តិសាស្ត្រ និងវប្បធម៌នៅមូលដ្ឋាន។
|
|
នាវាសំពៅលេខ ២៨៦-Le Quy Don ចាកចេញពីកំពង់ផែទៅបំពេញបេសកកម្ម |
ក្នុងឱកាសនេះ នាវាសំពៅលេខ ២៨៦-Le Quy Don និងនាវាសំពៅ KLD TUNAS SAMUDERA នៃកងទ័ពជើងទឹកម៉ាឡេស៊ី នឹងហ្វឹកហ្វឺនរួមក្នុងការធ្វើដំណើរទៅឆ្ងាយៗ ការលើកកម្ពស់សមត្ថភាពបញ្ជា ការប្រើប្រាស់អាវុធ ការដោះស្រាយស្ថានភាពជាក់ស្តែងនៅសមុទ្រ។ល។
ដំណើរទស្សនកិច្ចនេះក្នុងគោលបំណងពង្រឹងបន្ថែមទៀតនូវចំណងមិត្តភាព កិច្ចសហប្រតិបត្តិការល្អ ការយោគយល់គ្នា និងការជឿទុកចិត្តគ្នារវាងកងទ័ព និងកងទ័ពជើងទឹកនៃប្រទេសទាំងពីរ ចូលរួមចំណែកជម្រុញទំនាក់ទំនងភាពជាដៃគូយុទ្ធសាស្ត្រវៀតណាម-ម៉ាឡេស៊ីឲ្យកាន់តែអភិវឌ្ឍ ពង្រឹងសមត្ថភាពសម្របសម្រួលក្នុងការឆ្លើយតបទៅនឹងបញ្ហាប្រឈមរួមក្នុងសន្តិសុខនៃការធ្វើនាវាចរណ៍របស់កងទ័ពជើងទឹកទាំងពីរ រួមចំណែកជាវិជ្ជមានដល់សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍនក្នុងតំបន់៕
បកប្រែដោយ Thuy Anh