ក្នុងក្របខ័ណ្ឌនៃកម្មវិធីយាមល្បាត ភាគីទាំងពីរបានឯកភាពគ្នាបង្កើតបញ្ជាការដ្ឋានចម្រុះ ដោយភាគីនីមួយៗបង្កើតក្រុមល្បាតលើគោកចំនួន ៣ ក្រុម និងធ្វើការយាមល្បាតពីបង្គោលព្រំដែនជាតិលេខ២៩ ដល់លេខ៧១។

leftcenterrightdel
មេបញ្ជាការនៃភាគីទាំងពីរជួបគ្នានៅបន្ទាត់ព្រំដែន Ma Lu Thang (ខេត្ត Lai Chau វៀតណាម) - Jin Shui He (ចិន) ដើម្បីចុះហត្ថលេខាលើកំណត់ហេតុ

ភាគីទាំងពីរបានឯកភាពវាយតម្លៃថា សកម្មភាពយាមល្បាតរួមគ្នាបានទទួលជោគជ័យ ព្រមទាំងឯកភាពលើខ្លឹមសារសហប្រតិបត្តិការមួយចំនួននាពេលខាងមុខ ដូចជា៖ បន្តអនុវត្តឲ្យបានហ្មត់ចត់នូវខ្លឹមសារនៃកំណត់ហេតុនៃកិច្ចសន្ទនាជំនាញឆ្នាំ២០២៣ រវាងគណៈប្រតិភូកងទ័ពការពារព្រំដែនខេត្ត Lao Cai ខេត្ត Lai Chau ខេត្ត Dien Bien ខេត្ត Ha Giang (វៀតណាម) និងគណៈប្រតិភូនៃប៉ុស្តិ៍ពិនិត្យការពារព្រំដែន ការឆ្លងដែនរបស់ខេត្ត Yunnan (ចិន) អនុវត្តអនុស្សរណៈនៃការយោគយល់គ្នាស្តីពីកិច្ចសន្ទនាជំនាញឆ្នាំ២០២៣ រវាងគណៈប្រតិភូកងទ័ពការពារព្រំដែនខេត្ត Lai Chau និងខេត្ត Lao Cai (វៀតណាម) និងគណៈប្រតិភូអង្គភាពគ្រប់គ្រងព្រំដែន Honghe ប៉ុស្តិ៍ត្រួតពិនិត្យការពារព្រំដែន ការឆ្លងដែន Jin Shui He (ចិន) និងទស្សនៈរួមដែលបានសម្រេច។ ភាគីទាំងពីតែងតែបញ្ជូនសារលិខិតផ្លូវការ និងលេខទូរស័ព្ទទាន់ហេតុការណ៍ ដើម្បីជូនដំណឹង ផ្លាស់ប្តូរព័ត៌មាន ស្ថានភាព និងសហការដោះស្រាយបញ្ហាដែលកើតឡើងក្នុងការគ្រប់គ្រងព្រំដែន ការប្រយុទ្ធ និងទប់ស្កាត់បទល្មើសតាមតំបន់ព្រំដែនឲ្យបានឆាប់រហ័ស...៕

បកប្រែដោយ Thanh Cong