លោកឧត្តមសេនីយ៍ឯក Vu Hai San បានវាយតម្លៃខ្ពស់ចំពោះលទ្ធផលលេចធ្លោដែលអង្គភាពទាំងពីរសម្រេចបានក្នុងឆ្នាំ ២០២៥។ លោកបានលើកសរសើរចំពោះបញ្ជាការដ្ឋានយោធាខេត្ត Ninh Binh ដែលបានបំពេញភារកិច្ចការពារជាតិ និងយោធាក្នុងតំបន់ប្រកបដោយជោគជ័យ ជាពិសេសសម្រាប់ការរៀបចំ និងស្ថិរភាពក្របខ័ណ្ឌនៃស្ថាប័ន និងអង្គភាពនានាបន្ទាប់ពីការរួមបញ្ចូលគ្នា ការរៀបចំឡើងវិញ និងការកសាង និងបំពេញប្រព័ន្ធឯកសារត្រៀមប្រយុទ្ធជាស្រេចបន្ទាប់ពីការរួមបញ្ចូលគ្នា ដោយធានាបាននូវការបំពេញភារកិច្ចហ្វឹកហាត់ និងលំហាត់។ល។

leftcenterrightdel
លោកឧត្តមសេនីយ៍ឯក Vu Hai San សួរសុខទុក្ខ ជូនពរឆ្នាំថ្មីនិងផ្តល់អំណោយដល់បញ្ជាការដ្ឋានយោធាខេត្ត Ninh Binh

លោកឧត្តមសេនីយ៍ឯក Vu Hai San បានស្នើឱ្យអង្គភាពទាំងពីរប្រកាន់ខ្ជាប់យ៉ាងតឹងរ៉ឹងនូវការណែនាំ និងបទប្បញ្ញត្តិស្តីពីកាតព្វកិច្ចត្រៀមខ្លួនប្រយុទ្ធជាស្រេច បង្ការ និងគ្រប់គ្រងអគ្គីភ័យ និងការផ្ទុះយ៉ាងសកម្ម និងធានានូវជីវភាពរស់នៅខាងសម្ភារៈ និងស្មារតីរបស់កងទ័ពក្នុងអំឡុងពេលបុណ្យចូលឆ្នាំថ្មីប្រពៃណី ២០២៦ ធានាសុវត្ថិភាពដាច់ខាតគ្រប់ទិដ្ឋភាពទាំងអស់។ល។ លើសពីនេះ ម្ចាស់ការធ្វើឲ្យបានល្អនូវការត្រៀមរៀបចំសម្រាប់ពិធីប្រគល់ និងទទួលកងទ័ពឆ្នាំ២០២៦ ដោយធានាថាវាមានភាពឧឡារិក សុវត្ថិភាព និងបង្កើតបរិយាកាសរីករាយ បន្តរៀបចំយ៉ាងហ្មត់ចត់សម្រាប់ពិធីចាប់ផ្តើមហ្វឹកហាត់ ដោយផ្តោតលើការកែលម្អគុណភាពនៃផែនការបង្រៀន គំរូ ឧបករណ៍បង្រៀន និងការច្នៃប្រឌិតវិធីសាស្រ្តហ្វឹកហាត់ ដើម្បីសម្រេចបាននូវលទ្ធផលខ្ពស់ចាប់ពីថ្ងៃដំបូង និងសប្តាហ៍ដំបូង។ល៕

បកប្រែដោយ Huyen Trang