លោកនាយឧត្តមសេនីយ៍ Phan Van Giang ជួបជាមួយឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា

ក្នុងជំនួបនេះ លោកនាយឧត្តមសេនីយ៍ Phan Van Giang បានសង្កត់ធ្ងន់ថា ដំណើរទស្សនកិច្ចរបស់លោក To Lam អគ្គលេខាបក្សកុម្មុយនិស្ដវៀតណាមទៅកាន់ប្រទេសកម្ពុជា និងឡាវលើកនេះ គឺជាដំណើរទស្សនកិច្ចក្រៅប្រទេសដំបូងគេរបស់លោកអគ្គលេខាបក្សកុម្មុយនិស្ដវៀតណាមអាណត្តិទី ១៤ ដែលមានអត្ថន័យខាងនយោបាយយ៉ាងជ្រាលជ្រៅ ដែលបង្ហាញយ៉ាងច្បាស់ពីការយកចិត្ដទុកដាក់យ៉ាងខ្លាំង និងអាទិភាពចម្បង​របស់វៀតណាមសម្រាប់ទំនាក់ទំនងវៀតណាម-កម្ពុជា និង​វៀតណាម-ឡាវ ដោយហេតុនេះ បង្កើតកម្លាំងចលករថ្មី និងបើកដំណាក់កាលថ្មី នៃការអភិវឌ្ឍសម្រាប់ទំនាក់ទំនងរវាងប្រទេសទាំងពីរ និងកងទ័ពទាំងពីរ ព្រមទាំងរួមចំណែកដល់ការពង្រឹង និងពង្រីកទំនាក់ទំនងរវាងប្រទេសទាំងបីផងដែរ។

លោកនាយឧត្តមសេនីយ៍  Phan Van Giang និងលោកនាយឧត្តមសេនីយ៍ ទៀ សីហា នៅក្នុងជំនួប

លោកនាយឧត្តមសេនីយ៍ ទៀ សីហា បានសម្តែងការជឿជាក់ថា ជោគជ័យនៃដំណើរទស្សនកិច្ចនេះនឹងបង្កើតលក្ខខណ្ឌសម្រាប់ក្រសួងការពារជាតិនៃប្រទេសទាំងពីរបន្ដពង្រឹងកិច្ចសហប្រតិបត្តិការ  ដែលធ្វើឱ្យកិច្ចសហប្រតិបត្តិការការពារជាតិវៀតណាម-កម្ពុជាកាន់តែមានប្រសិទ្ធភាព រួមចំណែកដល់ការពង្រឹង និងរឹតបន្ដឹងបន្ថែមទៀតនូវទំនាក់ទំនងសាមគ្គីភាព និងជិតស្និទ្ធរវាងប្រទេសទាំងពីរ និងកងទ័ពទាំងពីរ ព្រមទាំងពង្រឹងបរិយាកាសសន្តិភាព និងស្ថិរភាពសម្រាប់ការអភិវឌ្ឍនៅប្រទេសនីមួយៗ។

រដ្ឋមន្ត្រីទាំងពីរបានសម្តែងការពេញចិត្តចំពោះលទ្ធផលនៃកិច្ចសហប្រតិបត្តិការការពារជាតិទ្វេភាគីក្នុងឆ្នាំ ២០២៥ ជាពិសេសគឺជោគជ័យនៃជំនួបប្រាស្រ័យមិត្តភាពការពារ​ជាតិព្រំដែនវៀតណាម-កម្ពុជា លើកទីពីរ។

ទិដ្ឋភាពនៃជំនួប

ភាគីទាំងពីរបានឯកភាពគ្នាបន្តបង្កើនការសហការគ្នាក្នុងការគ្រប់គ្រងនិងការពារព្រំដែន ទប់ស្កាត់និងប្រយុទ្ធប្រឆាំងនឹងឧក្រិដ្ឋកម្មឆ្លងដែន។ ព្រមទាំងលើកកំពស់​ការ​ប្រុងប្រយ័ត្នចំពោះកម្លាំងអរិភាពដែលចង់បំផ្លិចបំផ្លាញ បំបែកបំបាក់ទំនាក់ទំនងរវាងប្រទេសទាំងពីរ និងកងទ័ពទាំងពីរ។ ព្រមទាំងជំរុញការចុះហត្ថលេខាលើការព្រមព្រៀងរវាងរដ្ឋាភិបាលទាំងពីរស្តីពីការគ្រប់គ្រង ការពារស្ដូបមិត្តភាពវៀតណាម-កម្ពុជានៅកម្ពុជា៕

បកប្រែដោយ Thanh Cong