គណៈកម្មការដឹកនាំលេខ៥១៥ យោធភូមិភាគទី៩៖ បូកសរុបលទ្ធផលការងារអនុវត្តន៍ភារកិច្ចរុករក ប្រមូលអដ្ឋិធាតុយុទ្ធជនពលី

លោកឧត្តមសេនីយ៍ត្រី Huynh Van Ngon អញ្ជើញជាអធិបតីនៃកិច្ចប្រជុំ

មានប្រសាសន៍ក្នុងកិច្ចប្រជុំនេះ លោកឧត្តមសេនីយ៍ត្រី Huynh Van Ngon បានសង្កត់ធ្ងន់ថា ការរុករក ប្រមូលអដ្ឋិធាតុយុទ្ធជនពលី មិនត្រឹមតែជាកិច្ចការនយោបាយដ៏ពិសិដ្ឋប៉ុណ្ណោះទេ ថែមទាំងជាបទបញ្ជាចេញពីបេះដូង ដោយសម្តែងការដឹងគុណយ៉ាងជ្រាលជ្រៅចំពោះវីរជនយុទ្ធជនពលីដែលបានលះបង់ និងពលីកម្មដើម្បីឯករាជ្យភាព និងសេរីភាពនៃមាតុភូមិ និងដើម្បីកាតព្វកិច្ចអន្តរជាតិដ៏ថ្លៃថ្នូ។

លោកឧត្តមសេនីយត្រី Huynh Van Ngon បានស្នើឱ្យស្ថាប័ន អង្គភាពនានាបន្តឃោសនាផ្សព្វផ្សាយនូវទស្សនៈរបស់បក្ស គោលនយោបាយរបស់រដ្ឋ សេចក្តីសម្រេចចិត្តរបស់នាយករដ្ឋមន្ត្រី សេចក្តីណែនាំរបស់គណៈកម្មាធិការដឹកនាំលេខ ៥១៥ ថ្នាក់ជាតិ  ក្រសួង ស្ថាប័នពាក់ព័ន្ធ ស្តីពីការងាររុករក ប្រមូលអដ្ឋិធាតុយុទ្ធជនពលី និងកំណត់អត្តសញ្ញាណអដ្ឋិធាតិយុទ្ធជនពលីដែលមិនទាន់មានព័ត៌មាន។ ពង្រឹងការឃោសនាអប់រំ ដើម្បីលើកកម្ពស់ការយល់ដឹង និងការទទួលខុសត្រូវរបស់អង្គការ កម្មាភិបាល យុទ្ធជនលើការងាររុក​រក និងប្រមូលអដ្ឋិធាតុយុទ្ធជនពលី។

លោកឧត្តមសេនីយ៍ត្រី Huynh Van Ngon ប្រគល់ប័ណ្ណសរសើរដល់អង្គភាពមួយចំនួន

លោកឧត្តមសេនីយ៍ត្រី Huynh Van Ngon បានស្នើឱ្យស្ថាប័ន អង្គភាពនានា ដឹកនាំ និងរៀបចំឱ្យបានល្អនូវការងារអង្កេត ផ្ទៀងផ្ទាត់ និងសន្និដ្ឋានប្រភពព័ត៌មានអំពីទីតាំងបញ្ចុះសពយុទ្ធជនពលីក្នុងប្រទេស ក៏ដូចជាការស្រាវជ្រាវប្រមូលព័ត៌មាន និងប្រមូលអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតនៅកម្ពុជាក្នុងសម័យសង្គ្រាម ប្តេជ្ញាចិត្តជីករកទីតាំងទាំងអស់ដែលមាន​ព័ត៌មានអំពីអដ្ឋិធាតុ សម្របសម្រួលក្នុងការរៀបចំពិធីចេញដំណើរទៅបំពេញភារកិច្ច និងពិធីប្រគល់ ទទួលអដ្ឋិធាតុ ក្រោយដំណាក់កាលនីមួយៗ ព្រមទាំងរៀបចំពិធីគោរពវិញ្ញាណក្ខន្ធ និងបញ្ចុះអដ្ឋិធាតុប្រកបដោយឧឡារិក ស្របតាមបទប្បញ្ញត្តិ...

ក្នុងឱកាសនេះ គណៈកម្មការដឹកនាំលេខ៥១៥ នៃយោធភូមិភាគទី៩ បានប្រគល់ប័ណ្ណសរសើរដល់អង្គភាពចំនួន ៩  និងបុគ្គលចំនួន ១៣ រូប ដែលមានស្នាដៃឆ្នើមក្នុងការអនុវត្តការងាររុករក ប្រមូលអដ្ឋិធាតុ និងកំណត់អត្តសញ្ញាណអដ្ឋិធាតុ ដំណាក់កាល២០២១-២០២៥។

បកប្រែដោយ Duy Hoan