ផ្តោតលើការកសាងកម្លាំងនគរបាលប្រជាជនប្រកបដោយរបៀបរៀបរយនិងទំនើប

លោក Luong Cuong ប្រធានរដ្ឋវៀតណាម សមាជិកការិយាល័យនយោបាយ ប្រធានក្រុមប្រឹក្សាការពារជាតិនិងសន្តិសុខ ប្រមុខកងកម្លាំងប្រដាប់អាវុធប្រជាជនអញ្ជើញចូលរួម និងថ្លែងសុន្ទរកថា។ លោកនាយឧត្តមសេនីយ៍ Luong Tam Quang សមាជិកការិយាល័យនយោបាយ លេខាគណៈកម្មាធិការបក្សនគរបាលមជ្ឈិម រដ្ឋមន្ត្រីក្រសួងនគរបាលអញ្ជើញជាអធិបតីនៃកិច្ចប្រជុំ។ 

លោក Luong Cuong ប្រធានរដ្ឋ អញ្ជើញចូលរួម និងថ្លែងសុន្ទរកថា

ក្នុងឆមាសទី១ ឆ្នាំ២០២៥ កម្លាំងនគរបាលប្រជាជន  បានអនុវត្ដយ៉ាងម៉ឹងមាត់តាមការដឹកនាំរបស់បក្សនិងរដ្ឋ  អនុវត្ដល្អនូវការផ្ដល់យោបល់ជូនបក្ស រដ្ឋ និងប្រកាសស្ដីពីគោលការណ៍ណែនាំ គោលនយោបាយនិងច្បាប់។ កម្លាំងទាំងមូលបានផ្តោតលើការអភិវឌ្ឍន៍វិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្ដកម្មឌីជីថលជាតិ។ ការងារប្រយុទ្ធប្រឆាំងនឹងឧក្រិដ្ឋកម្ម និងការរក្សាសណ្តាប់ធ្នាប់មានប្រសិទ្ធភាព។ កិច្ចការបរទេស និងកិច្ចសហប្រតិបត្តិការអន្តរជាតិ ការស្រាវជ្រាវវិទ្យាសាស្ត្រជាយុទ្ធសាស្ត្រ និងទ្រឹស្តីត្រូវបានជំរុញយ៉ាងខ្លាំង។

មានប្រសាសន៍ក្នុងកិច្ចប្រជុំ លោក Luong Cuong ប្រធានរដ្ឋ បានកោតសរសើរចំពោះការខិតខំប្រឹងប្រែង និងស្នាដៃដែលកងកម្លាំងនគរបាលប្រជាជនសម្រេចបាននាពេលកន្លងមក។ លោក Luong Cuong ប្រធានរដ្ឋ សង្កត់ធ្ងន់ថា កងកម្លាំងនគរបាលប្រជាជនចាំបាច់ត្រូវចាប់យកស្ថានការណ៍  បន្តលើកកម្ពស់សមត្ថភាព និងគុណភាពនៃការស្រាវជ្រាវ និងការព្យាករណ៍ និងផ្ដល់យោបល់ទាន់ពេលជូនបក្ស និងរដ្ឋអំពីគោលការណ៍ និងដំណោះស្រាយសមស្រប ទប់ស្កាត់ល្បិចបំផ្លិចបំផ្លាញរបស់កងកម្លាំងអរិភាព កុំឲ្យមានភាពអសកម្ម ឬ ជាយថហេតុកើតឡើង  រក្សាបរិយាកាសសន្តិភាព និងស្ថិរភាពដើម្បីកសាង និងអភិវឌ្ឍន៍ជាតិ។

លោក Luong Cuong ប្រធានរដ្ឋ ប្រគល់គ្រឿងឥស្សរិយយសការងារថ្នាក់ទី៣ ជូនក្រសួងនគរបាល

លោក Luong Cuong ប្រធានរដ្ឋ និងលោកនាយឧត្តមសេនីយ៍ Luong Tam Quang រួមទាំងប្រតិភូនៅកិច្ចប្រជុំ

លោក Luong Cuong ប្រធានរដ្ឋ បានស្នើឱ្យកងកម្លាំងនគរបាលប្រជាជនត្រូវសហការយ៉ាងជិតស្និទ្ធជាមួយក្រសួង ស្ថាប័ន កងកម្លាំង និងមូលដ្ឋាននានាក្នុងបុព្វហេតុការពារមាតុភូមិ។ ទន្ទឹមនឹងនោះ កម្លាំងទាំងមូលត្រូវផ្តោតលើការបង្រ្កាបបទល្មើសគ្រប់ប្រភេទ ធានាអាយុជីវិត ទ្រព្យសម្បត្តិ និងសុខភាពរបស់ប្រជាពលរដ្ឋ ជាពិសេសឧក្រិដ្ឋកម្ម និងការបំពានច្បាប់ស្តីពីបរិស្ថាន សុវត្ថិភាពចំណីអាហារ ទំនិញក្លែងក្លាយ និងទំនិញខូចគុណភាព ឧក្រិដ្ឋកម្មគ្រឿងញៀន ឧក្រិដ្ឋកម្មបច្ចេកវិទ្យាខ្ពស់ ការក្លែងបន្លំតាមអ៊ីនធឺណិត ឧក្រិដ្ឋកម្មមានការចាត់តាំង... ធានាសុវត្ថិភាពជាដាច់ខាតសម្រាប់ព្រឹត្តិការណ៍ជាតិសំខាន់ៗ និងគោលដៅ និងគម្រោងសំខាន់ៗ។ ព្រមទាំងអនុវត្តល្អនូវកិច្ចការបរទេស និងសហប្រតិបត្តិការអន្តរជាតិរបស់កងកម្លាំងនគរបាលប្រជាជនជាមួយដៃគូ និងអង្គការអន្តរជាតិក្នុងការការពារអធិបតេយ្យភាពជាតិ សន្តិសុខជាតិ និងការពារផលប្រយោជន៍ជាតិ។

លោក Luong Cuong ប្រធានរដ្ឋ បន្ថែមថា កងកម្លាំងនគរបាលប្រជាជនត្រូវផ្ដោតលើការកសាងមជ្ឈមណ្ឌលទិន្នន័យជាតិ និងការធ្វើបរិវត្ដកម្មឌីជីថល លើកកំពស់ការយល់ដឹងរបស់ប្រជាពលរដ្ឋក្នុងការគោរពច្បាប់ អនុវត្តប្រកបដោយប្រសិទ្ធភាពនូវការបង្ការ និងទប់ទល់ទៅនឹងគ្រោះមហន្តរាយ ស្វែងរក និងជួយសង្គ្រោះគ្រោះមហន្ដរាយ រួមចំណែកនាំមកនូវសុខសន្តិភាព និងសុភមង្គលដល់ប្រជាជន៕

បកប្រែដោយ Pham Diep