ភាពតានតឹងនៅមជ្ឈិមបូព៌ា៖ អ៊ីស្រាអែលមានសុទិដ្ឋិនិយមអំពីបទឈប់បាញ់រយៈពេល ៦០ថ្ងៃជាមួយក្រុមហាម៉ាស

រដ្ឋមន្ត្រីការពារជាតិអ៊ីស្រាអែល លោក Israel Katz ។ រូបថតឯកសារ៖ REUTERS/Ronen Zvulun

លោកក៏បានបង្ហើបព័ត៌មានលម្អិតបន្ថែមអំពីផែនការរបស់អ៊ីស្រាអែលសម្រាប់ដំណាក់កាលក្រោយសង្គ្រាមនៅតំបន់ហ្គាហ្សា ទោះបីជាចំណុចមួយចំនួននៅតែមិនច្បាស់លាស់ក៏ដោយ។ ទាក់ទងនឹងបទឈប់បាញ់នាពេលខាងមុខ លោក Katz បានឲ្យដឹងថា ភាគីទាំងពីរបានឯកភាពជាស្ថាពរថា ក្រុមហាម៉ាស់នឹងដោះលែងចំណាប់ខ្មាំងដែលនៅរស់ចំនួន ១០ នាក់ ហើយប្រគល់មកវិញប្រហែលពាក់កណ្តាលនៃសាកសពចំណាប់ខ្មាំងដែលបានស្លាប់ តាមនោះ កាត់បន្ថយបរិមាណចំណាប់ខ្មាំងដែលនៅសេសសល់មកត្រឹម២៥នាក់។ លោកក៏បាននិយាយថា មានការឯកភាពជាស្ថាពរថា កងកម្លាំងការពារអ៊ីស្រាអែល (IDF) នឹងដកខ្លួនចេញពីទឹកដីតំបន់ហ្គាហ្សាប្រហែលជាង ៧០% ដែលពួកគេទន្ទ្រានកាន់កាប់ចាប់ពីខែមីនា និងច្រើនជាងក្នុងខែឧសភា  ប៉ុន្តែនៅតែរក្សា“ខ្សែក្រវាត់សុវត្ថិភាព” ស្រដៀងនឹង ឬធំជាងបើធៀបនឹងបទឈប់បាញ់ក្នុងខែមករា។

ចំណុចគួរឱ្យកត់សម្គាល់ដែល លោក Katz បានបង្ហាញគឺផែនការសាងសង់តំបន់មនុស្សធម៌ថ្មីមួយនៅទីក្រុង Rafah ដែលនឹងផ្តល់ទីជម្រកសម្រាប់ប្រជាជនប៉ាឡេស្ទីនយ៉ាងហោចណាស់ ៦០០.០០០ នាក់។ នេះនឹងជាតំបន់ដែលគ្មានវត្តមានរបស់ក្រុមហាម៉ាស។ លោក Katz បានឲ្យដឹងថា នៅពេលអនាគត តំបន់ហ្គាហ្សាអាចត្រូវបានគ្រប់គ្រងដោយសម្ព័ន្ធភាពអន្តរជាតិ និងតំបន់ រួមមាន៖ អេហ្ស៊ីប UAE ហ្ស៊កដានី អារ៉ាប៊ីសាអូឌីត សហរដ្ឋអាមេរិក និងប្រទេសផ្សេងទៀត ប៉ុន្តែមិនមែនរដ្ឋប៉ាឡេស្ទីន(PA) នោះទេ៕

តាម vovworld.vn