អញ្ជើញចូលរួមកិច្ចប្រជុំមាន៖ លោកឧត្តមសេនីយ៍ឯក Huynh Chien Thang សមាជិកគណៈកម្មាធិការមជ្ឈិមបក្ស អនុប្រធានអគ្គសេនាធិការកងទ័ពប្រជាជនវៀតណាម លោកឧត្តមសេនីយ៍ទោ Do Xuan Tung អនុប្រធានអគ្គស្នងការនយោបាយនៃកងទ័ពប្រជាជនវៀតណាម។

នៅក្នុងកិច្ចប្រជុំ លោកឧត្តមសេនីយ៍ឯក Trinh Van Quyet បានទទួលស្គាល់ថា គណៈកម្មាធិការបក្សនៃវិទ្យាស្ថាននយោបាយ និងគណៈកម្មាធិការបក្សនៃសាលានាយទាហាននយោបាយ បានខិតខំប្រឹងប្រែង សម្របសម្រួលយ៉ាងសកម្ម អនុវត្តតាមការដឹកនាំ និងការណែនាំរបស់ថ្នាក់លើ និងបំពេញការងារបានល្អក្នុងការត្រៀមរៀបចំមហាសន្និបាត ដោយបានបំពេញតាមតម្រូវការលើគុណភាព និងវឌ្ឍនភាព។

leftcenterrightdel
លោកឧត្តមសេនីយ៍ឯក Trinh Van Quyet មានប្រសាសន៍នៅក្នុងកិច្ចប្រជុំ

លោកឧត្តមសេនីយ៍ឯក Trinh Van Quyet បានស្នើឱ្យគណៈកម្មាធិការបក្សនៃសាលាទាំងពីរបន្តស្រាវជ្រាវ និងអនុវត្តតាមគោលដៅកសាងកងទ័ព ដើម្បីកំណត់ទិសដៅដឹកនាំក្នុងការអនុវត្តភារកិច្ចអប់រំបណ្តុះបណ្តាល យុទ្ធសាស្ត្រកសាង និងទិសដៅអភិវឌ្ឍន៍សាលានាពេលខាងមុខ។

លោកឧត្តមសេនីយ៍ឯក Trinh Van Quyet បានស្នើឱ្យគណៈកម្មាធិការបក្សនៃសាលាទាំងពីរ ទទួលយកទាំងស្រុងនូវមតិតម្រង់ទិស ការដឹកនាំរបស់ប្រតិភូនានា ហើយបន្តបំពេញបន្ថែម និងសម្រេចសេចក្តីព្រាងរបាយការណ៍នយោបាយ ដើម្បីធានាបាននូវគុណភាពខ្ពស់បំផុត។ ទន្ទឹមនឹងនោះ ត្រូវយកចិត្តទុកដាក់លើការផ្សព្វផ្សាយឱ្យបានល្អ មុនពេល អំឡុងពេល និងក្រោយមហាសន្និបាត បន្តតាមដាន និងធ្វើបច្ចុប្បន្នភាពទាន់ពេលវេលានូវការដឹកនាំ និងការណែនាំ ពាក់ព័ន្ធនឹងការរៀបចំមហាសន្និបាតបក្ស ដើម្បីបញ្ចប់ដំណើរការរៀបចំ និងរៀបចំមហាសន្និបាតគណៈកម្មាធិការបក្សសម្រាប់អាណត្តិ ២០២៥-២០៣០ ធានាបាននូវការគោរពតាមគោលការណ៍ បទប្បញ្ញត្តិ និងទទួលបានជោគជ័យដ៏ល្អ៕

បកប្រែដោយ Huyen Trang