កងវរសេនាធំលេខ ៧២៦ ពិនិត្យជំងឺ និងផ្តល់អំណោយដល់គ្រួសារទទួលរបបឧបត្ថម្ភគោលនយោបាយនៅតាមតំបន់ព្រំដែន
កប.អនឡាញ - នាថ្ងៃទី ២១ ខែមិថុនា កងវរសេនាធំលេខ ៧២៦ (កងពលលេខ១៦) បានសហការជាមួយអាជ្ញាធរឃុំ Quang Truc (ស្រុក Tuy Duc ខេត្ត Dak Nong វៀតណាម) និងសមាគមសប្បុរសធម៌បេះដូងវៀតណាម ទីក្រុង Ho Chi Minh នគរបាលឃុំ Quang Truc រៀបចំកម្មវិធីពិនិត្យ និងព្យាបាលជំងឺ ចែកថ្នាំពេទ្យដោយឥតគិតថ្លៃ ផ្ដល់យោបល់អំពីសុខភាព និងជូនអំណោយដល់គ្រួសារទទួលរបបឧបត្ថម្ភគោលនយោបាយ និងគ្រួសារក្រីក្រនៅតំបន់អនុវត្តគម្រោង។
តាមនោះ កងវរសេនាធំលេខ ៧២៦ និងអង្គភាពផ្សេងៗទៀតបានប្រគល់អំណោយជូនដល់គ្រួសារទទួលរបបឧបត្ថម្ភគោលនយោបាយ និងគ្រួសារក្រីក្រចំនួន ៥០០ គ្រួសារ ដោយមានថវិកាសរុបជាង ២០០ លានដុង។
    |
 |
|
អង្គភាពនានាប្រគល់អំណោយដល់គ្រួសារទទួលរបបឧបត្ថម្ភគោលនយោបាយ និងគ្រួសារក្រីក្រនៅឃុំ Quang Truc |
នៅក្នុងកម្មវិធីនោះ គ្រូពេទ្យនៃកងវរសេនាធំលេខ ៧២៦ បានពិនិត្យ ស្កេនអេកូ ផ្តល់យោបល់អំពីការថែទាំសុខភាព និងចែកថ្នាំពេទ្យដោយឥតគិតថ្លៃដល់គ្រួសារទទួលរបបឧបត្ថម្ភគោលនយោបាយ និងគ្រួសារក្រីក្រ។ ទន្ទឹមនឹងនោះ អង្គភាពនានាក៏បានឃោសនាអំពីគោលការណ៍ គោលនយោបាយរបស់បក្ស រដ្ឋ កងទ័ពប្រជាជន នគរបាលប្រជាជន ក៏ដូចជារបៀបរស់នៅបែបវិទ្យាសាស្ត្រ ការបង្ការជំងឺ ការងារអនាម័យបរិស្ថាន...
នេះជាសកម្មភាពជាក់ស្តែង បង្ហាញពីការយកចិត្តទុកដាក់របស់បក្ស រដ្ឋ កងទ័ពប្រជាជន នគរបាលប្រជាជន ចំពោះអ្នកមានគុណបំណាច់ចំពោះបដិវត្តន៍ និងគ្រួសារក្រីក្រ ជនរួមជាតិភាគតិចនៅតំបន់ព្រំដែន តំបន់ឆ្ងាយដាច់ស្រយាល រួមចំណែកពង្រឹងចំណងសាមគ្គីភាពរវាងកងទ័ពនិងប្រជាជន និងប្លុកមហាសាមគ្គីជាតិទាំងមូលក្នុងស្ថានភាពបច្ចុប្បន្ន៕
បកប្រែដោយ Thuy Anh