លោកនាយឧត្តមសេនីយ៍ Nguyen Tan Cuong ជាអធិបតីនៃកិច្ចប្រជុំស្តីពីការអនុម័តលើការត្រៀមរៀបចំមហាសន្និបាតរបស់គណៈកម្មាធិការបក្សនៃអង្គភាពនានា

អញ្ជើញចូលរួមកិច្ចប្រជុំនេះមានលោកឧត្តមសេនីយ៍ឯក Huynh Chien Thang សមាជិកគណៈកម្មាធិការមជ្ឈិមបក្ស អនុប្រធានអគ្គសេនាធិការកងទ័ពប្រជាជនវៀតណាម លោកឧត្តមសេនីយ៍ឯក Le Quang Minh អនុប្រធានអគ្គស្នងការនយោបាយនៃកងទ័ពប្រជាជនវៀតណាម លោកឧត្តមសេនីយ៍ទោ Truong Thien To អនុប្រធានអគ្គស្នងការនយោបាយនៃកងទ័ពប្រជាជនវៀតណាម និងលោកឧត្តមសេនីយ៍ត្រី Nguyen Ba Luc អនុប្រធានអគ្គសេនាធិការនៃកងទ័ពប្រជាជនវៀតណាម។

លោកនាយឧត្តមសេនីយ៍ Nguyen Tan Cuong ជាអធិបតីនៃកិច្ចប្រជុំ

នៅក្នុងកិច្ចប្រជុំ លោកនាយឧត្តមសេនីយ៍ Nguyen Tan Cuong បានលើកសរសើរចំពោះគណៈកម្មាធិការបក្ស មេបញ្ជាការនៃអង្គភាពនានាក្នុងរយៈពេលកន្លងមក បានផ្សព្វផ្សាយ និងអនុវត្តយ៉ាងហ្មត់ចត់នូវសារាចរ និងសេចក្តីណែនាំរបស់ការិយាល័យនយោបាយ គណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម និងអគ្គស្នងការដ្ឋាននយោបាយ ស្តីពីមហាសន្និបាតបក្សគ្រប់លំដាប់ថ្នាក់ ឆ្ពោះទៅមហាសន្និបាតទូទាំងប្រទេសលើកទី១៤ របស់បក្សកុម្មុយនិស្តវៀតណាមចេញឯកសារដឹកនាំ ណែនាំ និងរៀបចំការផ្សព្វផ្សាយយ៉ាងស៊ីជម្រៅ ដើម្បីបង្កើតឯកភាពខ្ពស់ក្នុងការយល់ដឹង និងសកម្មភាព ព្រមទាំងដឹកនាំការរៀបចំមហាសន្និបាតសម្រាប់អាណត្តិ ២០២៥-២០៣០ របស់គណៈកម្មាធិការបក្សទាំងឡាយ។

លោកនាយឧត្តមសេនីយ៍ Nguyen Tan Cuong បានស្នើឱ្យគណៈកម្មាធិការបក្សបន្តជ្រួតជ្រាបសេចក្តីសម្រេចចិត្ត សារាចរ និងសេចក្តីណែនាំពីថ្នាក់លើ ទទួលយកទាំងស្រុងនូវមតិរបស់គណៈកម្មាធិការអចិន្ត្រៃយ៍នៃគណៈកម្មាធិការបក្សយោធាមជ្ឈិម ខ្លឹមសារវាយតម្លៃរបស់អគ្គស្នងការដ្ឋាននយោបាយនៃកងទ័ពប្រជាជនវៀតណាម និងការផ្តល់មតិរបស់ស្ថាប័នមុខងារក្នុងការបំពេញបន្ថែម និងសម្រេចសេចក្តីព្រាងឯកសារមហាសន្និបាត ដើម្បីធានាគុណភាព។ ទន្ទឹមនឹងនោះ ត្រូវបំពេញការងារផ្សព្វផ្សាយ និងអប់រំឱ្យបានល្អ ដល់កម្មាភិបាល បក្ខជន និងមហាជនក្នុងអង្គភាព ដើម្បីលើកកម្ពស់ការយល់ដឹង និងពង្រីកស្មារតីទទួលខុសត្រូវក្នុងការអនុវត្តភារកិច្ច រក្សាសាមគ្គីភាព ការឯកភាព រួមចំណែករៀបចំមហាសន្និបាតរបស់គណៈកម្មាធិការបក្សនៃអង្គភាពនានាប្រកបដោយជោគជ័យ។ល៕

បកប្រែដោយ Huyen Trang