ស្ពានជំរុញកិច្ចសហប្រតិបត្តិការវៀតណាម-អូស្ត្រាលី

ទិដ្ឋភាពនៃមហាសន្និបាត

ថ្លែងមតិនៅមហាសន្និបាត លោកស្រី Gillian Bird ឯកអគ្គរដ្ឋទូតអូស្ត្រាលីប្រចាំនៅវៀតណាម បានលើកច្បាស់អំពីទំនាក់ទំនងសហប្រតិបត្តិការដ៏រឹងមាំរវាងវៀតណាម និងអូស្ត្រាលីក្នុងរយៈពេល ៥០ ឆ្នាំកន្លងមក។ លោកស្រីឯកអគ្គរដ្ឋទូត Gillian Bird បានអះអាងថា៖ វៀតណាមមានសារៈសំខាន់ចំពោះអូស្ត្រាលី។ ប្រទេសទាំងពីរមានទំនាក់ទំនងយ៉ាងស៊ីជម្រៅ មិនត្រឹមតែតាមរយៈទំនាក់ទំនងយុទ្ធសាស្ត្រ និងសេដ្ឋកិច្ចប៉ុណ្ណោះទេ ថែមទាំងតាមរយៈទំនាក់ទំនងរវាងប្រជាជន និងប្រជាជនផងដែរ។ តាមលោកស្រីឯកអគ្គរដ្ឋទូត សមាគមមិត្តភាពនានាគឺជាបេះដូងនៃការតភ្ជាប់នោះ បង្កើតឱកាសសម្រាប់កិច្ចសន្ទនា ផ្លាស់ប្តូរវប្បធម៌ និងលើកកម្ពស់ការយល់ដឹងរវាងភាគីទាំងពីរ។

ប្រតិភូទាំងឡាយថតរូបជុំគ្នា

រីឯខ្លួនវិញ ប្រធានសម្ព័ន្ធសមាគមមិត្តភាពវៀតណាម លោក Phan Anh Son បានទទួលស្គាល់ សរសើរ និងវាយតម្លៃខ្ពស់ចំពោះសកម្មភាពដ៏មានអត្ថន័យ និងលទ្ធផលជាក់ស្តែងដែលសមាគមមិត្តភាពវៀតណាម-អូស្ត្រាលីសម្រេចបានក្នុងអាណត្តិ ២០១៦-២០២៥។ លោកប្រធាន Phan Anh Son សង្ឃឹមថា សមាគមមិត្តភាពវៀតណាម-អូស្ត្រាលីនឹងបន្តលើកកម្ពស់គុណភាព និងប្រសិទ្ធភាពនៃប្រតិបត្តិការរបស់ខ្លួន ផ្តោតលើការកសាង និងអភិវឌ្ឍបុគ្គលិក និងសមាជិករបស់ខ្លួន និងដើរតួជាស្ពានជំរុញកិច្ចសហប្រតិបត្តិការរវាងមូលដ្ឋាន ធុរកិច្ច និងសាកលវិទ្យាល័យនៃប្រទេសទាំងពីរ។/.

បកប្រែដោយ Thanh Cong