ជប៉ុនជាដៃគូយុទ្ធសាស្ត្រឈានមុខគេរបស់វៀតណាម

ក្នុងជំនួប លោក Le Minh Hung បានបញ្ជាក់ថា ថ្នាក់ដឹកនាំវៀតណាមតែងតែវាយតម្លៃខ្ពស់ចំពោះតួនាទីរបស់ជប៉ុន ដោយចាត់ទុកជប៉ុនជាដៃគូមួយក្នុងចំណោមដៃគូយុទ្ធសាស្ត្រឈានមុខគេរបស់ខ្លួន។

លោក Le Minh Hung ទទួលជួបលោក Takebe Tsutomo (រូបថត៖ vnanet.vn)

លោកបានសង្កត់ធ្ងន់ថា វៀតណាមមានបំណងសហប្រតិបត្តិការជាមួយជប៉ុនក្នុងការបណ្តុះបណ្តាលធនធានមនុស្សប្រកបដោយគុណភាពខ្ពស់ ក៏ដូចជាក្នុងវិស័យនយោបាយ ការពារជាតិ សន្តិសុខ សេដ្ឋកិច្ច វប្បធម៌ ពលកម្ម និងកិច្ចសហប្រតិបត្តិការរវាងមូលដ្ឋាននានាដោយផ្អែកលើការធានាផលប្រយោជន៍របស់ប្រទេសទាំងពីរ រួមចំណែកដល់សន្តិភាព ស្ថិរភាពសេដ្ឋកិច្ច និងការអភិវឌ្ឍនៅក្នុងតំបន់ និងពិភពលោក។

លោក Takebe Tsutomu បានចែករំលែកអំពីការរួមដំណើររបស់ជប៉ុនក្នុងការអភិវឌ្ឍធនធានមនុស្សដែលសមស្របនឹងដំណើរឧស្សាហូបនីយកម្ម ទំនើបកម្ម និងគោលដៅអភិវឌ្ឍនាពេលខាងមុខរបស់វៀតណាម ហើយបញ្ជាក់ពីការប្តេជ្ញាចិត្តរួមចំណែកបន្ថែមទៀតដល់ការអភិវឌ្ឍនៃទំនាក់ទំនងទ្វេភាគី៕

បកប្រែដោយ Thanh Cong