លោកនាយឧត្តមសេនីយ៍ Phan Van Giang អញ្ជើញទៅសួរសុខទុក្ខវីរជននៃកងកម្លាំងប្រដាប់អាវុធប្រជាជន និងអតីតថ្នាក់ដឹកនាំក្រសួងការពារប្រទេសវៀតណាម

លោកនាយឧត្តមសេនីយ៍ Phan Van Giang សាកសួរសុខទុក្ខលោកនាយឧត្តមសេនីយ៍ Pham Van Tra

ក្នុងជំនួបនេះ លោកនាយឧត្តមសេនីយ៍ Phan Van Giang បានជម្រាបជូនអំពីលទ្ធផលល្អក្នុងការបំពេញភារកិច្ចយោធា និងការពារជាតិរបស់កងទ័ពទាំងមូលនាពេលកន្លងមកនេះ ហើយសង្កត់ធ្ងន់ថា៖ ឆ្នាំមុន គណៈកម្មាធិការបក្សយោធាមជ្ឈិម ក្រសួងការពារប្រទេសបានដឹកនាំកងទ័ពទាំងមូលបំពេញរាល់ភារកិច្ច ជាពិសេសការបណ្តុះបណ្តាល ការត្រៀមខ្លួនប្រយុទ្ធជាស្រេច ជួយប្រជាជនទប់ស្កាត់ និងជំនះផលវិបាកនៃគ្រោះមហន្តរាយធម្មជាតិ ខ្យល់ព្យុះ និងទឹកជំនន់ ហើយមានស្ថិរភាពក្នុងជីវភាពរស់នៅ សក្តិសមជាកម្លាំងនយោបាយស្មោះត្រង់ដាច់ខាតរបស់បក្ស រដ្ឋ និងប្រជាជន ទីពឹងដ៏រឹងមាំរបស់ប្រជាជនពេលប្រឈមមុខនឹងគ្រោះថ្នាក់ ការលំបាក បញ្ហាប្រឈម... កម្មាភិបាលនិងយុទ្ធជនក្នុងកងទ័ពទាំងមូលតែងតែសាមគ្គី ខិតខំប្រឹងប្រែង ត្រៀមខ្លួនទទួល និងបំពេញល្អរាល់ភារកិច្ចដែលត្រូវបានប្រគល់ជូន។ 

ក្នុងឱកាសនេះ លោកនាយឧត្តមសេនីយ៍ Phan Van Giang ក្នុងនាមគណៈកម្មាធិការបក្សយោធាមជ្ឈិម និងក្រសួងការពារប្រទេស បានជូនពរលោកនាយឧត្តមសេនីយ៍ Pham Van Tra លោកនាយឧត្តមសេនីយ៍ Ngo Xuan Lich និងលោកឧត្តមសេនីយ៍ទោ Dang Quan Thuy និងក្រុមគ្រួសារ មានសុខភាពល្អ និងសុភមង្គល ហើយសង្ឃឹមថា លោកនាយឧត្តមសេនីយ៍ Pham Van Tra លោកនាយឧត្តមសេនីយ៍ Ngo Xuan Lich និងលោកឧត្តមសេនីយ៍ទោ Dang Quan Thuy នឹងបន្តយកចិត្តទុកដាក់ និងផ្ដល់មតិយោដល់ដ៏មានតម្លៃ ដើម្បីរួមចំណែកកសាងកងទ័ពប្រជាជនវៀតណាមកាន់តែរឹងមាំ និងសម្រេចបានជោគជ័យនូវភារកិច្ចដែលបក្ស រដ្ឋ និងប្រជាជនប្រគល់ជូន។ លោកនាយឧត្តមសេនីយ៍ Phan Van Giang បានអញ្ជើញលោកនាយឧត្តមសេនីយ៍ Pham Van Tra លោកនាយឧត្តមសេនីយ៍ Ngo Xuan Lich និងលោកឧត្តមសេនីយ៍ទោ Dang Quan Thuy និងក្រុមគ្រួសារចូលរួមព្រឹត្តិការណ៍សំខាន់ៗដើម្បីអបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល៕

បកប្រែដោយ Thuy Anh