លោកនាយឧត្តមសេនីយ៍ Nguyen Tan Cuong សម្តែងការដឹងគុណចំពោះអតីតថ្នាក់ដឹកនាំបក្ស រដ្ឋ និងកងទ័ពប្រជាជនវៀតណាម

លោកនាយឧត្តមសេនីយ៍ Nguyen Tan Cuong បានអុជធូបគោរពវិញ្ញាណក្ខន្ធលោក Le Kha Phieu អតីតអគ្គលេខាបក្ស  និងលោក Le Duc Anh អតីតប្រធានរដ្ឋ; លោកនាយឧត្តមសេនីយ៍ Vo Nguyen Giap អតីតអគ្គមេបញ្ជាការ  និងលោកនាយឧត្តមសេនីយ៍ Chu Huy Man អតីតប្រធានអគ្គស្នងការដ្ឋាននយោបាយនៃកងទ័ពប្រជាជនវៀតណាម និងអតីតរដ្ឋមន្ត្រីក្រសួងការពារប្រទេសជាច្រើនរូបទៀត។ល។

លោកនាយឧត្តមសេនីយ៍ Nguyen Tan Cuong អុជធូបគោរពវិញ្ញាណក្ខន្ធលោកអតីតអគ្គលេខាបក្ស Le Kha Phieu

នៅចំពោះមុខវិញ្ញាណក្ខន្ធរបស់បុព្វបុរសជំនាន់មុនៗ លោកនាយឧត្តមសេនីយ៍ Nguyen Tan Cuong បានសម្តែងនូវការដឹងគុណយ៉ាងជ្រាលជ្រៅចំពោះការរួមវិភាគទានដ៏ធំធេងរបស់អតីតថ្នាក់ដឹកនាំបក្ស រដ្ឋ និងកងទ័ពក្នុងបុព្វហេតុរំដោះប្រទេសជាតិ ការពារមាតុភូមិ កសាងប្រទេស និងកងទ័ព។ ទន្ទឹមនឹងនោះ លោកនាយឧត្តមសេនីយ៍ Nguyen Tan Cuong បានសួរសុខទុក្ខញាតិមិត្ត និងក្រុមគ្រួសាររបស់អតីតថ្នាក់ដឹកនាំ ព្រមទាំងសង្ឃឹមថា ញាតិមិត្ត និងក្រុមគ្រួសាររបស់អតីតថ្នាក់ដឹកនាំនឹងបន្តលើកកម្ពស់ប្រពៃណីដ៏រុងរឿង និងរួមចំណែកបន្ថែមទៀតក្នុងការអភិវឌ្ឍរបស់ប្រទេស និងកងទ័ព។

លោកនាយឧត្តមសេនីយ៍ Nguyen Tan Cuong សួរសុខទុក្ខលោកនាយឧត្តមសេនីយ៍ Pham Van Tra

នាថ្ងៃដដែល លោកនាយឧត្តមសេនីយ៍ Nguyen Tan Cuong បានអញ្ជើញទៅសាកសួរសុខទុក្ខ និងផ្តល់អំណោយជូនអតីតសមាជិកការិយាល័យនយោបាយ និងជាអតីតរដ្ឋមន្ត្រីក្រសួងការពារប្រទេស៖ លោកនាយឧត្តមសេនីយ៍ Pham Van Tra; លោកនាយឧត្តមសេនីយ៍ Ngo Xuan Lich។

តាងនាមគណៈកម្មាធិការបក្សយោធាមជ្ឈិម ក្រសួងការពារប្រទេស និងអគ្គសេនាធិការដ្ឋាននៃកងទ័ពប្រជាជនវៀតណាម លោកនាយឧត្តមសេនីយ៍ Nguyen Tan Cuong បានសម្តែងនូវការដឹងគុណចំពោះការរួមវិភាគទានរបស់អតីតថ្នាក់ដឹកនាំ ហើយជូនពរអតីតថ្នាក់ដឹកនាំមានសុខភាពល្អជានិច្ច និងបន្តរួមចំណែកដល់បុព្វហេតុបដិវត្តន៍របស់បក្ស បុព្វហេតុកសាងកងទ័ពបដិវត្តន៍របៀបរៀបរយ ចំណាន និងទំនើប។ល៕

បកប្រែដោយ Huyen Trang