បញ្ជាការដ្ឋានយោធភូមិភាគទី ៤ ប្រគល់អំណោយជូនប្រជាពលរដ្ឋនៅតំបន់លិចទឹកនៃខេត្ត Thua Thien Hue
កប.អនឡាញ - នារសៀលថ្ងៃទី ១៥ តុលា លោកឧត្តមសេនីយ៍ទោ Ha Tho Binh មេបញ្ជាការយោធភូមិភាគទី ៤ បានចុះសួរសុខទុក្ខ និងប្រគល់អំណោយជូនគ្រួសារដែលរងការខូចខាតដោយទឹកជំនន់នៅក្រុម Dao ភូមិ Thu Le 2 ឃុំ Quang Phuoc ស្រុក Quang Dien ខេត្ត Thua Thien Hue ភាគកណ្តាលវៀតណាម។
    |
 |
|
លោកឧត្តមសេនីយ៍ទោ Ha Tho Binh ប្រគល់អំណោយជូនប្រជាពលរដ្ឋនៅតំបន់លិចទឹកនៃខេត្ត Thua Thien Hue |
ប្រឈមមុខនឹងស្ថានការណ៍អាកាសធាតុដ៏ស្មុគស្មាញ មេបញ្ជាការយោធភូមិភាគទី ៤ ស្នើឱ្យបញ្ជាការដ្ឋានយោធាខេត្ត Thua Thien Hue ត្រៀមខ្លួនរៀបចំផែនការបង្ការ ទប់ទល់និងជំនះផលវិបាកនៃគ្រោះធម្មជាតិ យកចិត្តទុកដាក់ លើកទឹកចិត្ត និង ជួយប្រជាពលរដ្ឋជម្នះការលំបាក និងស្ថេរភាពជីវភាពរស់នៅ។
នាថ្ងៃដដែល ថ្នាក់ដឹកនាំបញ្ជាការដ្ឋានយោធាខេត្ត Thua Thien Hue និងស្រុក Quang Dien អញ្ជើញទៅសួរសុខទុក្ខ និងប្រគល់អំណោយជូនសាលាបឋមសិក្សាលេខ ១ ឃុំ Quang Phuoc។
សូមបញ្ជាក់ថា ក្នុងប៉ុន្មានថ្ងៃថ្មីៗនេះ ទឹកជំនន់និងភ្លៀងបានបណ្តាលឱ្យមានការបាក់ដីនៅទំនប់ Mai Duong ឃុំ Quang Phuoc ។ បញ្ជាការដ្ឋានយោធាស្រុក Quang Dien បានចាត់នាយទាហាន យុទ្ធជនចំនួន ៥០នាក់ រួមជាមួយកងជីវពល និងកម្មាភិបាលមូលដ្ឋាន ដើម្បីជំនះឧប្បត្តិហេតុធម្មជាតិ។ ជាពិសេស កងកម្លាំងបានជួយសង្គ្រោះម្តាយនិងកូនបានជោគជ័យ (រស់នៅក្នុងឃុំ Quang An ស្រុក Quang Dien) ដែលត្រូវគួចតាមជំនន់ទឹកភ្លៀង៕
បកប្រែដោយ Pham Diep