យោងតាមរបាយការណ៍របស់គណៈកម្មាធិការប្រជាជនខេត្ត Ha Tinh បច្ចុប្បន្នទំហំសេដ្ឋកិច្ចរបស់ខេត្តឈានដល់ជិត ៩៣,០០០ ពាន់លានដុង (ជាប់ចំណាត់ថ្នាក់ទី ៣០ ក្នុងចំណោម ៦៣ ខេត្ត ក្រុងក្នុងប្រទេស) ផលិតផលក្នុងខេត្ដសរុប (GRDP) ជាមធ្យមក្នុងមនុស្សម្នាក់ឈានដល់ ៧០,៥ លានដុង/ឆ្នាំ។ ខេត្ត Ha Tinh បានទាក់ទាញការវិនិយោគ និងអនុវត្តគម្រោងឧស្សាហកម្មធំៗមួយចំនួនដូចជា៖ រោងចក្រថាមពលឧណ្ហអគ្គិសនី Vung Ang II, រោងចក្រអាគុយ VinES និងរោងចក្រផលិតអាគុយ Lithium របស់សម្ព័ន្ធក្រុមហ៊ុន Vingroup, រោងចក្រស្រាបៀរហាណូយ- Nghe Tinh, គម្រោងវិនិយោគសំណង់ និងហេដ្ឋារចនាសម្ព័ន្ធមណ្ឌលឧស្សាហកម្ម Vung Ang......។

leftcenterrightdel
លោកនាយឧត្តមសេនីយ៍ Phan Van Giang អញ្ជើញជាអធិបតីក្នុងជំនួបធ្វើការ

ស្តាប់របាយការណ៍របស់ថ្នាក់ដឹកនាំខេត្ត Ha Tinh និងមតិយោបល់របស់ប្រតិភូទាំងឡាយ លោកនាយឧត្តមសេនីយ៍ Phan Van Giang បានវាយតំលៃខ្ពស់ចំពោះការខិតខំប្រឹងប្រែង និងលទ្ធផលដែលគណៈកម្មាធិការបក្ស អាជ្ញាធរ កងទ័ព និងប្រជាជនខេត្ត Ha Tinh សម្រេចបានក្នុងប៉ុន្មានឆ្នាំកន្លងមក; ព្រមទាំងអះអាងថា សមិទ្ធិផលទាំងឡាយរបស់ខេត្ដ Ha Tinh បានរួមចំណែកដល់សមិទ្ធិផលរួមរបស់ប្រទេសទាំងមូល។

អំពីទិសដៅនាពេលខាងមុខ លោកនាយឧត្តមសេនីយ៍ Phan Van Giang បានសង្កត់ធ្ងន់ថា៖ គណៈកម្មាធិការបក្ស និងអាជ្ញាធរខេត្ត Ha Tinh ត្រូវមានដំណោះស្រាយបន្ថែមទៀត; កៀរគរធនធានទាំងអស់សម្រាប់ការអភិវឌ្ឍសេដ្ឋកិច្ចសង្គមយ៉ាងឆាប់រហ័ស និងប្រកបដោយនិរន្តរភាព ដោយឈរលើមូលដ្ឋាននៃការលើកកម្ពស់សក្ដានុពល ឧត្ដមភាព ខ្លួនទីទឹងខ្លួន ធានាការ តភ្ជាប់រវាងការអភិវឌ្ឍសេដ្ឋកិច្ច វប្បធម៌ សង្គម និងការការពារបរិស្ថានអេកូឡូស៊ី ជាមួយនឹងការធានាការពារជាតិ និងសន្តិសុខ។

leftcenterrightdel
លោកនាយឧត្តមសេនីយ៍ Phan Van Giang ថ្លែងក្នុងជំនួបធ្វើការ

ផ្តោតលើការកាត់បន្ថយភាពក្រីក្រនិងសន្តិសុខសង្គម; បង្កើតបណ្តាញសុខភាពដើម្បីប្រជាពលរដ្ឋទាំងអស់ទទួលបានសេវាថែទាំសុខភាពមានគុណភាព រស់នៅក្នុងសហគមន៍ប្រកបដោយសុវត្ថិភាព និងអភិវឌ្ឍរាងកាយ និងផ្លូវចិត្តបានល្អ។ ព្រមទាំងយកចិត្តទុកដាក់ដល់ជីវភាពរស់នៅរបស់ជនជាតិភាគតិចនៅតំបន់ដាច់ស្រយាល...។

លោកនាយឧត្តមសេនីយ៍ Phan Van Giang បានចាត់ទុកថា ខេត្ត Ha Tinh គឺជាតំបន់ដែលមានតួនាទីសំខាន់ ដូច្នេះត្រូវផ្ដោតលើការអនុវត្តបានល្អនូវការធានាការពារជាតិ សន្តិសុខ សុវត្ថិភាព រក្សាស្ថិរភាព និងសុវត្ថិភាពជាដាច់ខាតក្នុងគ្រប់ស្ថានភាពទាំងអស់ដើម្បីអភិវឌ្ឍន៍ប្រកបដោយចីរភាព។ លោកនាយឧត្តមសេនីយ៍ Phan Van Giang បានស្នើក្រសួង ស្ថាប័ន ស្ថាប័ននានាបន្តយកចិត្តទុកដាក់ សម្របសម្រួល គាំទ្រនិងបង្កលក្ខណៈងាយស្រួលសម្រាប់ខេត្ត Ha Tinh អនុវត្តប្រកបដោយប្រសិទ្ធភាពនូវគោលដៅ និងភារកិច្ចដែលបានកំណត់៕

បកប្រែដោយ Pham Diep