កងទ័ពប្រជាជនវៀតណាមចូលរួមការប្រកួតកីឡាយោធាឆ្នាំ ២០១៩
ក្រុមរថក្រោះវៀតណាមបានឈានចូលវគ្គផ្តាច់ព្រ័ត្រ
កប.អនឡាញ - នៅថ្ងៃទី១៣ ខែសីហា ជុំទី២ នៃពូល ២ ក្នុងការប្រកួតវគ្គពាក់កណ្តាលផ្តាច់ព្រ័ត្រក្នុងវិញ្ញាសារថក្រោះចល័តបាញ់គោលដៅរវាងក្រុមចំនួន ៤ រួមមាន៖ អ៊ូសបេគីស្ថាន គុយវ៉ែត ឡាវនិងគុយបា។ ក្នុងការប្រកួតនេះ ក្រុមអ៊ូសបេគីស្ថាន និងគុយបា បានទទួលជ័យជំនះ ហើយជាប់ចំណាត់ថ្នាក់ទី១ និងទី២ ដែលក្នុងនោះក្រុមរថក្រោះឡាវបានរំលោភបទបញ្ញត្ដិដោយគ្មានសុវត្ថិភាពនៅពេលបាញ់កាំភ្លើងធំ ខណៈក្រុមរថក្រោះគុយវ៉ែតក៏ត្រូវវាយទំលាក់ពីព្រោះដាច់ខ្សែសង្វាក់នៅពេលកំពុងធ្វើដំណើរ។
ក្នុងលទ្ធផលខាងលើនេះ ក្រុមរថក្រោះវៀតណាមបានឈានចូលវគ្គផ្ដាច់ព្រ័ត្រនៃពូល២ ហើយប្រកួតជាមួយក្រុមអ៊ូសបេគីស្ថាន គុយបានិងអ៊ូហ្គង់ដា។ សូមបញ្ជាក់ថា ក្រុមរថក្រោះវៀតណាម និងអ៊ូហ្គង់ដា ដែលបានទទួលជ័យជំនះលើក្រុមមីយ៉ាន់ម៉ានិងតាហ្ស៊ីគីស្ថាននៅជុំទី១ នៃពូល២ ក្នុងការប្រកួតវគ្គពាក់កណ្តាលផ្តាច់ព្រ័ត្រ។
    |
 |
|
ការប្រកួតជុំទី ២ នៃពូល ២ ក្នុងវគ្គពាក់កណ្តាលផ្តាច់ព្រ័ត្ររវាងអ៊ូសបេគីស្ថាន គុយវ៉ែត ឡាវ និងគុយបា នៅទីលាន Alabino សហព័ន្ធរុស្ស៊ី |
វគ្គផ្តាច់ព្រ័ត្រក្នុងវិញ្ញាសារថក្រោះចល័តបាញ់គោលដៅក៏ត្រូវបានបែងចែកជា២ពូល និងប្រកួតក្នុងរយៈពេលពីរថ្ងៃផ្សេងគ្នា។ អាស្រ័យហេតុនេះ ក្នុងពូលទី១ រួមមានប្រទេសម្ចាស់ផ្ទះរុស្ស៊ី បេឡារុស្ស កាហ្សាក់ស្ថាន និងអាស៊ែបៃហ្សង់ ដែលគ្រោងនឹងប្រកួតនៅថ្ងៃទី ១៧ ខែសីហា។ ពូល២ រួមមានប្រទេសវៀតណាម អ៊ូសបេគីស្ថាន គុយបា និងអ៊ូហ្គង់ដា ដែលគ្រោងនឹងប្រកួតនៅថ្ងៃទី១៥ ខែសីហា។
ក្រុមចុងភៅនៃកងទ័ពប្រជាជនវៀតណាមទទួលបានសមិទ្ធផលថ្មី
អញ្ជើញចូលរួមការប្រកួតកីឡាយោធាឆ្នាំ២០១៩ នៅសហព័ន្ធរុស្ស៊ី ក្រុមចុងភៅនៃកងទ័ពប្រជាជនវៀតណាមជាលើកដំបូងឈានចូលដំណាក់កាលទី ៣ ហើយទទួលបានលទ្ធផលល្អជាងការប្រកួតលើកដំបូងកាលពីឆ្នាំមុនក្នុងវិញ្ញាសាបាញ់កាំភ្លើង ធ្វើម្ហូប និងធ្វើនំ។
នៅឆ្នាំនេះ ក្រុមចុងភៅនៃកងទ័ពប្រជាជនវៀតណាមជាក្រុមតែមួយគត់នៅអាស៊ី បានឈានចូលជុំចុងក្រោយ។ លទ្ធផលល្អរបស់ក្រុមចុងភៅនៃកងទ័ពប្រជាជនវៀតណាមបានទាក់ទាញចំណាប់អារម្មណ៍ពីប្រព័ន្ធសារព័ត៌មានប្រទេសម្ចាស់ផ្ទះ។ ស្ថានីយ៍ទូរទស្សន៍ជាតិរុស្ស៊ី ២៤ បានថតវីឌីអូនូវរាល់សកម្មភាពប្រកួតនៃក្រុមចុងភៅវៀតណាមនៅដំណាក់កាលទី៣។
អ្នកកាសែត Boris Maksudov នៃស្ថានីយ៍ទូរទស្សន៍រុស្ស៊ី ២៤ បាននិយាយថា "វៀតណាមបានត្រៀមរៀបចំយ៉ាងល្អក្នុងការប្រកួត Army Games 2019"
|
|
 |
|
អ្នកកាសែត Boris Maksudov នៃស្ថានីយ៍ទូរទស្សន៍រុស្ស៊ី ២៤ |
អញ្ជើញចូលរួមការប្រកួត Army Games 2019 ក្រុមប្រកួតទាំងអស់នៃកងទ័ពប្រជាជនវៀតណាមបានត្រៀមរៀបចំយ៉ាងល្អ។ ខ្ញុំមិនសូវដឹងអំពីក្រុមផ្សេងនៃវៀតណាមទេ ប៉ុន្តែគ្រាន់តែឃើញអ្វីដែលក្រុមចុងភៅវៀតណាមបន្សល់ទុកនូវចំណាប់អារម្មណ៍យ៉ាងខ្លាំងក្នុងការប្រកួតនេះបានបង្ហាញឲ្យឃើញថា ក្រុមប្រកួតទាំងអស់នៃកងទ័ពប្រជាជនវៀតណាមបានត្រៀមរៀបចំយ៉ាងល្អ។ ខ្ញុំបានតាមដានការប្រកួតតាមរយៈទូរទស្សន៍និងចាប់អារម្មណ៍យ៉ាងខ្លាំងចំពោះការត្រៀមរៀបចំមុខម្ហូបរបស់ក្រុមចុងភៅវៀតណាម ហើយខ្ញុំក៏ចាប់អារម្មណ៍យ៉ាងខ្លាំងចំពោះប្រទេសវៀតណាមនិងប្រវត្ដិសាស្ដ្រវៀតណាមផងដែរ៕
បកប្រែដោយ Pham Diep