អនុវត្តប្រកបដោយប្រសិទ្ធភាពនូវផែនការរៀបចំពិធីរំលឹកខួបលើកទី ៧០ នៃជ័យជំនះ Dien Bien Phu

លោកឧត្តមសេនីយ៍ឯក Nguyen Trong Nghia និងថ្នាក់ដឹកនាំខេត្ត Dien Bien ជូនអំណោយដល់កងកម្លាំងទ័ពព្រៃនារីនៅភាគខាងត្បូង

យោងតាមរបាយការណ៍របស់ខេត្ត Dien Bien បានបង្ហាញថា រហូតមកដល់ពេលនេះ ការរៀបចំពិធីរំលឹកខួបលើកទី៧០ នៃជ័យជំនះ Dien Bien Phu ត្រូវបានគណៈកម្មាធិការបក្សខេត្ត និងគណៈកម្មាធិការប្រជាជនសហការជាមួយក្រសួង ស្ថាប័នមជ្ឈិម មន្ទីរ អនុវត្ដតាមផែនការ ធានាកន្លែងស្នាក់នៅ ហូបចុកសម្រាប់កងកម្លាំងដែលចូលរួមក្បួនព្យុហយាត្រាយោធា ព្រមទាំង​ឆ្លើយតបតម្រូវការកន្លែងស្នាក់នៅរបស់ភ្ញៀវទេសចរទៀតផង។ លើសពីនេះ ខេត្ត Dien Bien សហការយ៉ាងជិតស្និទ្ធជា​មួយ​ក្រសួង ស្ថាប័នមជ្ឈិមនិងអាជ្ញាធរពាក់ព័ន្ធ រៀបចំសកម្មភាពជាក់ស្តែងដើម្បីអបអរសាទរខួបលើកទី ៧០ នៃជ័យជំនះ Dien Bien Phu។

ថ្លែងក្នុងជំនួបនេះ តាងនាមឲ្យគណៈកម្មាធិការដឹកនាំ លោកឧត្តមសេនីយ៍ឯក Nguyen Trong Nghia បានកត់សម្គាល់និងវាយតម្លៃខ្ពស់ចំពោះការខិតខំប្រឹងប្រែងរបស់ក្រសួង ស្ថាប័នមជ្ឈិម គណៈកម្មាធិការបក្ស អាជ្ញាធរ និងប្រជាជនមូលដ្ឋានដែលបាន​ជម្នះការលំបាក បញ្ចប់ដោយជោគជ័យនូវការរៀបចំពិធីរំលឹកខួបលើកទី ៧០ នៃជ័យជំនះ Dien Bien Phu។

លោកឧត្តមសេនីយ៍ឯក Nguyen Trong Nghia ស្នើឱ្យក្រសួង ស្ថាប័នមជ្ឈិម មន្ទីរ និងខេត្ត Dien Bien បន្តសហការយ៉ាងជិតស្និទ្ធ និងអនុវត្តប្រកបដោយប្រសិទ្ធភាពនូវផែនការរៀបចំពិធីរំលឹកខួបលើកទី ៧០ នៃជ័យជំនះ Dien Bien Phu។ ជំរុញការឃោសនាអំពីពិធីរំលឹកខួបលើកទី ៧០ នៃជ័យជំនះ Dien Bien Phu ផ្សាភ្ជាប់ទៅនឹងពិធីបុណ្យធំៗរបស់ប្រទេសក្នុងឆ្នាំ ២០២៤; ផ្តោតលើការធានាសន្តិសុខ និងសុវត្ថិភាពក្នុងអំឡុងពេលប្រារព្ធខួបលើកទី ៧០ នៃជ័យជំនះ Dien Bien Phu។

លោកឧត្តមសេនីយ៍ឯក Nguyen Trong Nghia និងថ្នាក់ដឹកនាំខេត្ត Dien Bien ជូនអំណោយដល់កងជីវពលនារីបណ្ដាជនជាតិនៅភាគពាយ័ព្យ

គួររំលឹកថា លោកឧត្តមសេនីយ៍ឯក Nguyen Trong Nghia និងក្រុមបេសកកម្មបានចុះសួរសុខទុក្ខ និងជូនអំណោយដល់កង​កម្លាំងដែលចូលរួមក្បួនព្យុហយាត្រាយោធា។ លើកទឹកចិត្ត និងចែករំលែកការលំបាករបស់កងកម្លាំងដែលកំពុងបំពេញភារកិច្ចរបស់ខ្លួន លោកឧត្តមសេនីយ៍ឯក Nguyen Trong Nghia សង្ឃឹមថា កម្មាភិបាល យុទ្ធជននិងប្រជាជនគ្រប់ស្រទាប់ លើកកំពស់ស្មារតីទទួលខុសត្រូវ ខិតខំបំពេញការងារបានល្អ អបអរសាទរជ័យ​ជម្នះ​ដ៏​អស្ចារ្យ​របស់ប្រទេស​ជាតិ៕

បកប្រែដោយ Pham Diep