លោកនាយឧត្តមសេនីយ៍ Nguyen Trong Nghia អញ្ជើញចូលរួមពិធីបំផុសចលនាបុណ្យចូលឆ្នាំថ្មីដាំដើមឈើនៅបញ្ជាការដ្ឋានរដ្ឋធានីហាណូយ

លោកនាយឧត្តមសេនីយ៍ Nguyen Trong Nghia សមាជិកការិយាល័យនយោបាយ លេខាមជ្ឈិមបក្ស សមាជិកគណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម និងជាប្រធានអគ្គស្នងការនយោបាយកងទ័ពប្រជាជនវៀតណាម បានចូលរួមក្នុងពិធីបំផុសនៅកងវរសេនាធំលេខ ៦៩២។

ប្រតិភូដាំដើមឈើនៅទីលានបង្វឹកបង្ហាត់នៃកងវរសេនាធំលេខ ៦៩២ កងពលធំលេខ ៣០១ បញ្ជាការដ្ឋានរដ្ឋធានីហាណូយ

ក្នុងដំណាក់កាល ២០២១-២០២៥ អង្គភាពនានានៃបញ្ជាការដ្ឋានរដ្ឋធានីហាណូយ បានដាំដើមឈើគ្រប់ប្រភេទជិត ៧០,០០០ ដើម ដោយស្មើនឹង ១០៣% នៃផែនការ។ នៅក្នុងចលនាដាំដើមឈើឆ្នាំនេះ ស្ថាប័ន និងអង្គភាពនានានៃបញ្ជាការដ្ឋានរដ្ឋធានីហាណូយ បានដាំដើមឈើជិត ៧,០០០ ដើម។ នៅកងវរសេនាធំលេខ ៦៩២ បន្ទាប់ពីពិធីបំផុស កម្មាភិបាល និងយុទ្ធជនបានដាំដើមឈើជិត ២,០០០ ដើមលើផ្ទៃដីប្រហែល ៤ ហិកតា។ ក្នុងរយៈពេលប៉ុន្មានឆ្នាំមកនេះ សម្រាប់កងកម្លាំងប្រដាប់អាវុធនៃទីក្រុងហាណូយ ការដាំដើមឈើ មិនត្រឹមតែរួមចំណែកដល់ការការពារបរិស្ថានអេកូឡូស៊ី និងការទប់ទល់នឹងការប្រែប្រួលអាកាសធាតុប៉ុណ្ណោះទេ ប៉ុន្តែថែមទាំងជាសកម្មភាពជាក់ស្តែងមួយដើម្បីបង្កើតទេសភាពបៃតង និងស្អាត ក៏ដូចជាបរិយាកាសល្អសម្រាប់កម្មាភិបាល និងយុទ្ធជនរស់នៅ រៀនសូត្រ និងការបំពេញភារកិច្ចទៀតផង៕

បកប្រែដោយ Thuy Anh