លោក To Lam ជាប់ឆ្នោតជាអគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម អាណត្តិទី១៤

លោក To Lam ជាប់ឆ្នោតជាអគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាមអាណត្តិទី១៤

ដោយអនុវត្តយ៉ាងម៉ឹងម៉ាត់ ត្រឹមត្រូវតាមលក្ខន្តិកៈបក្ស បទបញ្ជាការងារ បទបញ្ជាស្ដីពីការបោះឆ្នោត និងខ្លឹមសារពាក់ព័ន្ធនានា ព្រមទាំងលើកកម្ពស់ស្មារតីសាមគ្គីភាព និងការទទួលខុសត្រូវខ្ពស់ កិច្ចប្រជុំលើកដំបូងនៃគណៈកម្មាធិការមជ្ឈិមបក្ស អាណត្តិទី ១៤ បានប្រព្រឹត្តទៅការបោះឆ្នោតជ្រើសតាំងការិយាល័យនយោបាយ; បោះឆ្នោតជ្រើសតាំងអគ្គលេខាបក្ស; បោះឆ្នោតជ្រើសតាំងលេខាធិការដ្ឋាន; ស្តាប់របាយការណ៍ស្តីពីមុខតំណែងសំខាន់ៗរបស់បក្ស និងរដ្ឋ និងផ្តល់យោបល់ស្ដីពីបុគ្គលិកដែលទទួលតំណែងជាសមាជិកអចិន្ត្រៃយ៍នៃលេខាធិការដ្ឋាន; បោះឆ្នោតជ្រើសរើសតាំងគណៈកម្មាធិការត្រួតពិនិត្យមជ្ឈិម; បោះឆ្នោតជ្រើសរើសប្រធានគណៈកម្មាធិការត្រួតពិនិត្យមជ្ឈិម។

គណៈកម្មាធិការមជ្ឈិមបក្សអាណត្តិទី ១៤ បានឯកភាពបោះឆ្នោតជ្រើសតាំងលោក To Lam អគ្គលេខាគណៈកម្មាធិការមជ្ឈិមបក្សអាណត្តិទី ១៣ បន្តកាន់តំណែងជាអគ្គលេខាគណៈកម្មាធិការមជ្ឈិមបក្សអាណត្តិទី១៤ ដោយទទួលបានសំឡេងគាំទ្រ ១០០%៕

បកប្រែដោយ Thuy Anh