ទូរទស្សន៍វៀតណាម អបអរសាទរខួបលើកទី ៥៥ នៃការផ្សាយកម្មវិធីដំបូង

លោក To Lam អគ្គលេខាបក្ស មានប្រសាសន៍ក្នុងពិធី (រូបថត៖ vnanet.vn)

អញ្ជើញមានប្រសាសន៍ក្នុងពិធី លោក To Lam អគ្គលេខាបក្ស បានសង្កត់ធ្ងន់ថា ក្នុងរយៈពេល ៥៥ ឆ្នាំកន្លងទៅ ពីលក្ខខណ្ឌបច្ចេកទេសសាមញ្ញ ទូរទស្សន៍វៀតណាមបានអភិវឌ្ឍទៅជាស្ថានីយ៍ជាតិ ភ្នាក់ងារសារព័ត៌មានពហុព័ត៌មានសំខាន់ ស្នូល ផ្សព្វផ្សាយគោលការណ៍របស់បក្ស គោលនយោបាយ និងច្បាប់របស់រដ្ឋ រួមចំណែកដល់ការអប់រំ លើកកម្ពស់ជីវភាពរស់នៅខាងវិញ្ញាណ និងចំណេះដឹងរបស់ប្រជាជន និងឆ្លុះបញ្ចាំងសម្លេងរបស់ប្រជាជនក្នុងបុព្វហេតុកសាង ការពារ និងអភិវឌ្ឍប្រទេសជាតិ។ រួមដំណើរជាមួយប្រទេស និងប្រជាជន កម្មវិធី និងស្នាដៃរបស់ទូរទស្សន៍វៀតណាមបានឆ្លុះបញ្ចាំងយ៉ាងជាក់ស្តែងនូវជីវភាពនយោបាយ សេដ្ឋកិច្ច វប្បធម៌ និងសង្គមក្នុងទិដ្ឋភាពជាច្រើន ជំរុញការផ្លាស់ថ្មី ផ្សព្វផ្សាយកត្តាថ្មី ប្រយុទ្ធប្រឆាំងនឹងអំពើពុករលួយ ការខ្ជះខ្ជាយ និងអវិជ្ជមាន អនុវត្តមុខងារនៃការត្រួតពិនិត្យ ការបដិវាទសង្គម និងធ្វើអនុសាសន៍ដើម្បីកែលម្អស្ថាប័ន និងគោលនយោបាយ។

លោក To Lam អគ្គលេខាបក្ស និងប្រតិភូចូលរួមក្នុងពិធី (រូបថត៖ vnanet.vn)

លោក To Lam អគ្គលេខាបក្ស បានជូនទូរទស្សន៍វៀតណាមនូវបាវចនាជាពាក្យពេជ្រថា៖ "អ្នកគ្រប់គ្នា គ្រប់ពេលវេលា គ្រប់ទីកន្លែង មួចស្រួច និងទាក់ទាញ"។

ក្នុងឱកាសនេះ តាងនាមថ្នាក់ដឹកនាំបក្ស និងរដ្ឋ លោក To Lam អគ្គលេខាបក្ស អញ្ជើញប្រគល់គ្រឿងឥស្សរិយយសពលកម្មថ្នាក់ទី១ ដល់ទូរទស្សន៍វៀតណាម៕

បកប្រែដោយ Thanh Cong