អបអរសាទរខួបលើកទី ៨០ នៃទិវាប្រពៃណីអគ្គសេនាធិការដ្ឋាននៃកងទ័ពប្រជាជនវៀតណាមនិងទទួលកិត្ដិនាមវីរៈកងកម្លាំងប្រដាប់អាវុធប្រជាជន

ថ្លែងសុន្ទរកថានៅពិធីនេះ លោកនាយឧត្តមសេនីយ៍ Nguyen Tan Cuong ប្រធានអគ្គសេនាធិការនៃកងទ័ពប្រជាជនវៀតណាម បានអះអាងថា៖ បន្ទាប់ពីប្រទេសទទួលបានឯករាជ្យ ដើម្បីបញ្ជាប្រតិបត្តិការរបស់កងកម្លាំងប្រដាប់អាវុធនៅទូទាំងប្រទេស នៅថ្ងៃទី ៧ ខែកញ្ញា ឆ្នាំ ១៩៤៥ លោកប្រធានហូជីមិញបានប្រគល់ភារកិច្ចឲ្យលោក Hoang Van Thai បង្កើតអគ្គសេនាធិការដ្ឋាននៃកងទ័ពប្រជាជនវៀតណាម។ ក្រោមការដឹកនាំ និងការណែនាំរបស់គណៈកម្មាធិការមជ្ឈិមបក្ស ការិយាល័យនយោបាយ គណៈកម្មាធិការបក្សយោធាមជ្ឈិម និងក្រសួងការពារប្រទេសដោយផ្ទាល់ និងការជួយគាំទ្ររបស់គណៈកម្មាធិការបក្ស អាជ្ញាធរ និងប្រជាជន អគ្គសេនាធិការដ្ឋាននៃកងទ័ពប្រជាជនវៀតណាមបានរីកចម្រើនជាលំដាប់ និងសម្រេចបានសមិទ្ធិផលលេចធ្លោជាច្រើន។

លោក To Lam អគ្គលេខាបក្ស ថ្លែងក្នុងពិធី

ប្រតិភូទាំងឡាយចូលរួមពិធី

ក្នុងអំឡុងពេលសង្រ្គាមតស៊ូប្រឆាំងនឹងអាណានិគមនិយមបារាំង អគ្គសេនាធិការដ្ឋាននៃកងទ័ពប្រជាជនវៀតណាមបានផ្តោតលើការកសាង និងអភិវឌ្ឍកងទ័ពមូលដ្ឋាន កងជីវពលហ្វឹកហាត់និងបណ្តុះបណ្តាលកម្មាភិបាល និងរៀបចំយុទ្ធនាការជាច្រើន និងដណ្តើមបានជ័យជម្នះសំខាន់ៗជាច្រើនដូចជា “ជ័យជម្នះ ” Dien Bien Phu។

ក្នុងអំឡុងពេលសង្រ្គាមតស៊ូប្រឆាំងនឹងចក្រពត្តិនិយមអាមេរិក អគ្គសេនាធិការដ្ឋាននៃកងទ័ពប្រជាជនវៀតណាម បានបញ្ជាឲ្យអង្គភាពកែសម្រួល  ក្របខ័ណ្ឌ បរិក្ខារ និងហ្វឹកហ្វឺនកងកម្លាំងប្រដាប់អាវុធ កសាងផែនការប្រយុទ្ធជាច្រើន និងបញ្ជាឲ្យកងកម្លាំងបន្តអនុវត្តយុទ្ធនាការសំខាន់ៗជាច្រើន ដើម្បីរំដោះភាគខាងត្បូង និងបង្រួបបង្រួមជាតិ។

លោក To Lam អគ្គលេខាបក្ស ថ្នាក់ដឹកនាំក្រសួងការពារប្រទេស និងប្រតិភូ អញ្ជើញទស្សនាការតាំងពិព័រណ៍ក្នុងពិធី

លោក To Lam អគ្គលេខាបក្ស ប្រគល់កិត្ដិនាមវីរជនកងកម្លាំងប្រដាប់អាវុធប្រជាជនដល់អគ្គសេនាធិការដ្ឋាននៃកងទ័ពប្រជាជនវៀតណាម

ក្នុងអំឡុងពេលកសាងនិងការពារមាតុភូមិ អគ្គសេនាធិការដ្ឋាននៃកងទ័ពប្រជាជនវៀតណាមបានផ្ដល់សេនាធិការ បញ្ជាឲ្យកងកម្លាំងប្រដាប់អាវុធការពារយ៉ាងរឹងមាំនូវអធិបតេយ្យភាព  និងបំពេញកាតព្វកិច្ចអន្តរជាតិដ៏ថ្លៃថ្នូ កសាងកងទ័ពបដិវត្តន៍មានរបៀបរៀបរយ ចំណាន  និងទំនើប។ ព្រមទាំងអនុវត្តបានល្អនូវការជួយសង្គ្រោះគ្រោះមហន្ដរាយ ការឆ្លើយតបនិងជំនះផលវិបាកនៃឧប្បត្តិហេតុ គ្រោះមហន្តរាយធម្មជាតិ ជំងឺឆ្លង និងបរិស្ថាន ផ្តល់ជំនួយមនុស្សធម៌ និងជួយបណ្ដាប្រទេសដែលរងផលប៉ះពាល់ដោយគ្រោះមហន្តរាយធម្មជាតិ។

ទន្ទឹមនឹងនោះ ផ្ដល់សេនាធិការជូនបក្ស រដ្ឋ គណៈកម្មាធិការបក្សយោធាមជ្ឈិម និងក្រសួងការពារប្រទេសស្ដីពីការបញ្ជូនកម្លាំងទៅចូលរួមបេសកកម្មរក្សាសន្តិភាពអង្គការសហប្រជាជាតិ រួមចំណែកផ្សព្វផ្សាយរូបភាពកងទ័ពលោកអ៊ំ ហូ លើកកំពស់កិត្យានុភាពរបស់ប្រទេសជាតិ និងកងទ័ព​លើ​ឆាកអន្តរជាតិ...៕

បកប្រែដោយ Pham Diep