នៅក្នុងជំនួប លោក Ali Ijaz Ahmad និងថ្នាក់ដឹកនាំនៃសាជីវកម្ម Makara Capital Partners បានឲ្យដឹងថាសាជីវកម្ម Makara Capital Partners កំពុងជំរុញគម្រោងមណ្ឌលឧស្សាហកម្មឱសថ និងជីវសាស្រ្តនៅខេត្ត Hung Yen។ ទន្ទឹមនឹងនោះ សាជីវកម្មធ្វើការយ៉ាងសកម្មជាមួយស្ថាប័ន និងមូលដ្ឋានពាក់ព័ន្ធនៅវៀតណាម ដើម្បីសហប្រតិបត្តិការវិនិយោគ និងផ្តល់ទុនសម្រាប់គម្រោងនានាក្នុងវិស័យថាមពល និងហេដ្ឋារចនាសម្ព័ន្ធ និងការរៀបចំរចនាសម្ព័ន្ធធនាគារវៀតណាមឡើងវិញ ជាពិសេសក្នុងការកសាងមជ្ឈមណ្ឌលហិរញ្ញវត្ថុអន្តរជាតិក្នុងប្រទេសវៀតណាម...ជាមួយនឹងសមត្ថភាពកៀរគរ និងប្រមូលទុនសរុបពី ៥ ទៅ ៧ ពាន់លានដុល្លារអាមេរិក។

leftcenterrightdel
លោក Pham Minh Chinh នាយករដ្ឋមន្ត្រី ទទួលជួបលោក Ali Ijaz Ahmad ប្រធាន និងជាអគ្គនាយក និងថ្នាក់ដឹកនាំនៃសាជីវកម្ម Makara Capital Partners (រូបថត៖ vov.vn)

លោក Pham Minh Chinh នាយករដ្ឋមន្ត្រីបានស្វាគមន៍ចំពោះការដែលសាជីវកម្ម Makara Capital Partners យកចិត្តទុកដាក់ ស្វែងរក ជំរុញការវិនិយោគ និងកិច្ចសហប្រតិបត្តិការអាជីវកម្មនៅវៀតណាមនាពេលខាងមុខ។ លោក Pham Minh Chinh នាយករដ្ឋមន្ត្រី បានអះអាងថា វិស័យដែលសាជីវកម្មចាប់អារម្មណ៍ដូចជា ឧស្សាហកម្មឱសថ និងជីវសាស្រ្ត និងមជ្ឈមណ្ឌលហិរញ្ញវត្ថុអន្តរជាតិ គឺជាអាទិភាពរបស់វៀតណាមសម្រាប់ការអភិវឌ្ឍយ៉ាងលឿន តាមទិសបៃតង និងប្រកបដោយចីរភាព។ ទន្ទឹមនឹងនោះ លោក Pham Minh Chinh នាយករដ្ឋមន្ត្រី បានស្នើឲ្យសាជីវកម្ម Makara Capital Partners ឆាប់សម្រេចចិត្តវិនិយោគ និងពង្រីកការវិនិយោគនៅវៀតណាម ព្រមទាំងអះអាងថា រដ្ឋាភិបាលវៀតណាមសន្យារួមដំណើរ និងបង្កើតលក្ខខណ្ឌអំណោយផលសម្រាប់សាជីវកម្មវិនិយោគ និងធ្វើអាជីវកម្មប្រកបដោយប្រសិទ្ធភាព និងជោគជ័យនៅវៀតណាម៕

បកប្រែដោយ Huyen Trang