វៀតណាមរួមជាមួយសហគមន៍អន្តរជាតិ អំពាវនាវឲ្យមានការអនុលោមតាមច្បាប់មនុស្សធម៌អន្តរជាតិ

តំណាងវៀតណាមចូលរួមសម័យប្រជុំ លោក Mai Phan Dung ឯកអគ្គរដ្ឋទូត - ប្រធានបេសកកម្មតំណាងអចិន្ត្រៃយ៍របស់វៀតណាមប្រចាំអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិនានា នៅទីក្រុងហ្សឺណែវ បានសង្កត់ធ្ងន់ថា វៀតណាមមានការព្រួយបារម្ភយ៉ាងជ្រាលជ្រៅ ចំពោះទំហំដែលមិនធ្លាប់មាននៃតម្រូវការមនុស្សធម៌ ក្នុងឆ្នាំ ២០២៥ នៅពេលដែលមនុស្សជាង ៣៦០ លាននាក់ ត្រូវការជំនួយដោយសារជម្លោះ គ្រោះមហន្តរាយធម្មជាតិ អសន្តិសុខស្បៀង និងការរអាករអួននៃសេដ្ឋកិច្ច។ វៀតណាមអំពាវនាវឱ្យបង្រួមគម្លាតដែលកំពុងកើនឡើងរវាងតម្រូវការនិងធនធានហិរញ្ញវត្ថុ មនុស្សធម៌សកល តាមរយៈយន្តការផ្តល់មូលនិធិដែលអាចបត់បែនបាន ដែលអាចព្យាករណ៍បាននិងមានប្រសិទ្ធភាពជាង; បង្កើនភាពជាដៃគូរវាងរដ្ឋាភិបាល អង្គការក្នុងតំបន់ វិស័យឯកជននិងសហគមន៍ ដើម្បីរួមគ្នាបង្កើតដំណោះស្រាយប្រកបដោយបរិយាប័ន្ន វិទ្យាសាស្ត្រ និងសមស្របជាមួយលក្ខណៈជាក់ស្តែងរបស់មូលដ្ឋាន។

ឯក Mai Phan Dung អគ្គរដ្ឋទូត - ប្រធានបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិ អង្គការពាណិជ្ជកម្មពិភពលោក និងអង្គការអន្តរជាតិនានានៅទីក្រុងហ្សឺណែវ

លោក Mai Phan Dung ឯកអគ្គរដ្ឋទូតក៏បានអះអាងនូវការប្តេជ្ញាចិត្តរបស់វៀតណាមក្នុងការចូលរួមជាមួយសហគមន៍អន្តរជាតិ ក្នុងកិច្ចខិតខំប្រឹងប្រែងពង្រឹងភាពធន់ ការពារសេចក្តីថ្លៃថ្នូររបស់មនុស្ស និងនាំមកនូវដំណោះស្រាយប្រកបដោយនិរន្តរភាពដល់អ្នកដែលត្រូវការជំនួយ៕

តាម vovworld.vn