ឡាវ កម្ពុជា និងចិន បញ្ជូនកងកម្លាំងទៅចូលរួមការដង្ហែក្បួនព្យុហយាត្រា ក្នុងពិធីរំលឹកខួបលើកទី ៥០ នៃទិវារំដោះភាគខាងត្បូងវៀតណាម និងបង្រួបបង្រួមជាតិនៅវៀតណាម

លោកស្រី Pham Thu Hang បានឲ្យដឹងថា ពិធីរំលឹកខួបលើកទី ៥០ នៃទិវារំដោះភាគខាងត្បូងវៀតណាម និងបង្រួបបង្រួមជាតិ គឺជាព្រឹត្តិការណ៍ដ៏សំខាន់ មិនត្រឹមតែសម្រាប់ប្រជាជនវៀតណាមប៉ុណ្ណោះទេ ថែមទាំងសម្រាប់មិត្តភ័ក្តិអន្តរជាតិដែលបានរួមដំណើរ និងជួយគាំទ្រវៀតណាមក្នុងការតស៊ូដើម្បីឯករាជ្យជាតិផងដែរ។ ប្រទេសចិន ឡាវ និងកម្ពុជា គឺជាប្រទេសជិតខាងចំនួនបី ដែលមានទំនាក់ទំនងមិត្តភាពជាប្រពៃណី ជិតស្និទ្ធ និងយូរអង្វែងជាមួយវៀតណាម។

លោកស្រី Pham Thu Hang អ្នកនាំពាក្យក្រសួងការបរទេសវៀតណាម (រូបថត៖ ក្រសួងការបរទេសវៀតណាម)

លោកស្រី Pham Thu Hang បានសង្កត់ធ្ងន់ថា ការចូលរួមរបស់កងកម្លាំងនៃកងទ័ពរបស់ប្រទេសទាំងបីក្នុងពិធីដង្ហែក្បួនព្យុហយាត្រា បង្ហាញពីចំណងសាមគ្គីភាព មិត្តភាព និងកិច្ចសហប្រតិបត្តិការកាន់តែជិតស្និទ្ធរវាងវៀតណាម និងប្រទេសជាមិត្តទាំងបី។ លោកស្រី Pham Thu Hang បន្ថែមថា តបតាមការអញ្ជើញរបស់វៀតណាម គណៈប្រតិភូជាន់ខ្ពស់ គណបក្សនយោបាយ អង្គការអន្តរជាតិ ចលនាសន្តិភាព ចលនាប្រឆាំងនឹងសង្គ្រាម និងមិត្តអន្តរជាតិជាច្រើន រួមទាំងតំណាងសហរដ្ឋអាមេរិក បានបញ្ជាក់ពីការចូលរួមរបស់ខ្លួន៕

បកប្រែដោយ Thuy Anh