ពិធីរំលឹកខួប​អនុស្សាវរីយ៍​នៃទិវាបង្កើត​កងកម្លាំងការពារជាតិអូស្ត្រាលី

មានប្រសាសន៍ក្នុងពិធី លោកស្រី Gillian Bird ឯកអគ្គរដ្ឋទូតអូស្ត្រាលីប្រចាំនៅវៀតណាម បានសង្កត់ធ្ងន់ថា ទំនាក់ទំនងអូស្ត្រាលី - វៀតណាមកំពុងអភិវឌ្ឍន៍ជាងពេលណាៗទាំងអស់។ លោកស្រីបានសម្តែងក្តីសង្ឃឹមថា សក្តានុពលដ៏អស្ចារ្យនៃទំនាក់ទំនងទ្វេភាគីនឹងសម្រេចបានលទ្ធផលជាក់ស្តែង។ លោកស្រីសម្តែងការសប្បាយរីករាយចំពោះការអភិវឌ្ឍកិច្ចសហប្រតិបត្តិការលើវិស័យការពារជាតិដែលជាសសរស្តម្ភសំខាន់នៃទំនាក់ទំនងអូស្ត្រាលី-វៀតណាម។

លោកស្រី Gillian Bird ឯកអគ្គរដ្ឋទូតអូស្ត្រាលីប្រចាំនៅវៀតណាម មានប្រសាសន៍ក្នុងពិធី

លោកឧត្តមនាវីឯក David Lance Johnston មានប្រសាសន៍ក្នុងពិធី

លោកឧត្តមសេនីយ៍ឯក Phung Si Tan មានប្រសាសន៍ក្នុងពិធី

ទន្ទឹមនឹងនោះ លោកឧត្តមនាវីឯក David Lance Johnston បានអះអាងថា កិច្ចសហប្រតិបត្តិការលើវិស័យការពារជាតិអូស្ត្រាលី-វៀតណាមបានអភិវឌ្ឍជាបន្តបន្ទាប់លើវិស័យផ្សេងៗ ជាពិសេសការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ និងពេទ្យយោធា។ លោកបានសង្កត់ធ្ងន់ថា អូស្ត្រាលីមានបំណងបន្តពង្រឹងកិច្ចសហប្រតិបត្តិការលើវិស័យការពារជាតិជាមួយវៀតណាម។

លោកឧត្តមនាវីឯក David Lance Johnston មានប្រសាសន៍ថា "រួមគ្នា យើងបានកសាងមូលដ្ឋានគ្រឹះដ៏រឹងមាំ ហើយយើងខ្ញុំសង្សឹមថា មូលដ្ឋានគ្រឹះនេះនឹងរីកចម្រើនថែមទៀតក្នុងប៉ុន្មានឆ្នាំខាងមុខ"។

ប្រតិភូចូលរួមពិធី

រីឯខ្លួនវិញ លោកឧត្តមសេនីយ៍ឯក Phung Si Tan បានវាយតំលៃថា ក្នុងរយៈពេលថ្មីៗនេះ កិច្ចសហប្រតិបត្តិការលើវិស័យការពារជាតិវៀតណាម - អូស្ត្រាលីតត្រូវ​បានអនុវត្តប្រកបដោយប្រសិទ្ធភាព នាំមកនូវផលប្រយោជន៍ជាក់ស្តែងលើវិស័យជាច្រើនដូចជា ការផ្លាស់ប្តូរគណៈប្រតិភូ ការសន្ទនា ការពិគ្រោះយោបល់ ការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ វិស័យពេទ្យយោធា កិច្ចសហប្រតិបត្តិការរវាងបណ្តាអង្គភាពទ័ព ការយកឈ្នះលើផលវិបាកនៃសង្គ្រាម...

លោកឧត្តមសេនីយ៍ឯក Phung Si Tan បានអះអាងថា នាពេលខាងមុខ កងទ័ពប្រជាជនវៀតណាមនឹងបន្តសម្របសម្រួលយ៉ាងជិតស្និទ្ធជាមួយកងកម្លាំងការពារជាតិអូស្ត្រាលី ដើម្បីអនុវត្តសកម្មភាពសហប្រតិបត្តិការតាមការឯកភាពរបស់ថ្នាក់ដឹកនាំក្រសួងការពារជាតិនៃប្រទេសទាំងពីរ រួមចំណែកដល់ការសម្រេចបាននូវទំនាក់ទំនងភាពជាដៃគូយុទ្ធសាស្ត្រលើគ្រប់វិស័យរវាងវៀតណាម និងអូស្ត្រាលី៕

បកប្រែដោយ Duy Hoan