លោកនាយឧត្តមសេនីយ៍ Phan Van Giang សម្តែងនូវការដឹងគុណចំពោះអតីតថ្នាក់ដឹកនាំបក្ស រដ្ឋ និងកងទ័ព

លោកនាយឧត្តមសេនីយ៍ Phan Van Giang និងគណៈប្រតិភូបានទៅអុជធូបគោរពវិញ្ញាណក្ខន្ធ និងសម្តែងនូវការដឹងគុណជូន​ចំពោះការរួមវិភាគទាន និងការលះបង់ដ៏ធំធេងរបស់អតីតថ្នាក់ដឹកនាំបក្ស រដ្ឋ និងកងទ័ព ដល់បុព្វហេតុបដិវត្តន៍របស់បក្ស ប្រទេសជាតិ និងបុព្វហេតុកសាងកងទ័ពប្រជាជនវៀតណាម។ លោកនាយឧត្តមសេនីយ៍ Phan Van Giang បានសួរសុខទុក្ខសាច់ញាតិ និងក្រុមគ្រួសារអតីតថ្នាក់ដឹកនាំបក្ស រដ្ឋ និងកងទ័ព ហើយជូនពរសាច់ញាតិនៃអតីតថ្នាក់ដឹកនាំ មានសុខភាពល្អ បន្តលើកកម្ពស់ប្រពៃណីគ្រួសារ ចូលរួមក្នុង​ការអភិវឌ្ឍប្រទេសជាតិ និងការអភិវឌ្ឍរបស់កងទ័ព។

លោកនាយឧត្តមសេនីយ៍ Phan Van Giang និងលោកនាយឧត្តមសេនីយ៍ Ngo Xuan Lich

នាព្រឹកថ្ងៃដដែល លោកនាយឧត្តមសេនីយ៍ Phan Van Giang បានអញ្ជើញទៅសួរសុខទុក្ខលោកនាយឧត្តមសេនីយ៍ Ngo Xuan Lich អតីតសមាជិកការិយាល័យនយោបាយ អតីតអនុលេខាគណៈកម្មាធិការបក្សយោធាមជ្ឈិម អតីតរដ្ឋមន្ត្រីក្រសួងការពារប្រទេស និងលោកឧត្តមសេនីយ៍ទោ វីរជននៃកងកម្លាំងប្រដាប់អាវុធប្រជាជន Dang Quan Thuy អតីតសមាជិកគណៈកម្មាធិការមជ្ឈិមបក្ស អតីតអនុប្រធានរដ្ឋសភា។ លោកនាយឧត្តមសេនីយ៍ Phan Van Giang បានសួរសុខទុក្ខ និងជម្រាបជូនលោកនាយឧត្តមសេនីយ៍ Ngo Xuan Lich និងលោកឧត្តមសេនីយ៍ទោ Dang Quan Thuy អំពីលទ្ធផលលេចធ្លោក្នុងការបំពេញភារកិច្ចយោធា ការពារជាតិរបស់កងទ័ពទាំងមូលនាពេលកន្លងមក និងភារកិច្ចសំខាន់ៗដែលគណៈកម្មាធិការបក្សយោធាមជ្ឈិម ក្រសួងការពារប្រទេសកំពុងអនុវត្ត តាមគោលនយោបាយ និងទិសដៅរបស់ការិយាល័យនយោបាយ។ ក្នុងឱកាសនេះ លោកនាយឧត្តមសេនីយ៍ Phan Van Giang បានជូនពរលោកនាយឧត្តមសេនីយ៍ Ngo Xuan Lich និងលោកឧត្តមសេនីយ៍ទោ Dang Quan Thuy មានសុខភាពល្អ បន្តយកចិត្តទុកដាក់ និងផ្ដល់យោបល់ដល់ការកសាងកងទ័ពប្រជាជនវៀតណាមកាន់តែរឹងមាំ បំពេញល្អភារកិច្ចដែលបក្ស រដ្ឋ និងប្រជាជនប្រគល់ជូន។

លោកនាយឧត្តមសេនីយ៍ Phan Van Giang សួរសុខទុក្ខលោកឧត្តមសេនីយ៍ទោ Dang Quan Thuy

អញ្ជើញជួបសំណេះសំណាលជាមួយសមាគមអតីតយុទ្ធជនវៀតណាមថ្នាក់មជ្ឈិម លោកនាយឧត្តមសេនីយ៍ Phan Van Giang បានថ្លែងអំណរគុណចំពោះគណៈកម្មាធិការសមាគមអតីតយុទ្ធជនវៀតណាមថ្នាក់មជ្ឈិម និងសមាគមអតីតយុទ្ធជនគ្រប់លំដាប់ថ្នាក់ ដែលតែងតែរួមដំណើរ និងសហការយ៉ាងជិតស្និទ្ធជាមួយក្រសួងការពារប្រទេស និងស្ថាប័ន អង្គភាពនានាក្នុងកងទ័ពទាំងមូល ដើម្បីរៀបចំសកម្មភាពនានាឲ្យបានល្អ។ លោកនាយឧត្តមសេនីយ៍ Phan Van Giang បានជូនពរថ្នាក់ដឹកនាំ និងសមាជិកសមាគមអតីតយុទ្ធជនវៀតណាម និងក្រុមគ្រួសារ មានសុខភាពល្អ និងសុភមង្គល ហើយសង្ឃឹមថា អតីតយុទ្ធជនតែងតែរួមចិត្តរួមកម្លាំងជាមួយបក្ស ប្រជាជន និងកងទ័ពទាំងមូលបំពេញល្អនូវភារកិច្ចកសាង និងការពារមាតុភូមិ៕

បកប្រែដោយ Thuy Anh