បន្ទាប់ពីស្តាប់របាយការណ៍ និងទៅពិនិត្យនៅតំបន់មួយចំនួននៃមន្ទីរពេទ្យយោធាលេខ ១៧៥ លោកឧត្តមសេនីយ៍ឯក Pham Hoai Nam បានកោតសរសើរចំពោះសមិទ្ធិផលដែលមន្ទីរពេទ្យសម្រេចបាន រួមចំណែកបញ្ជាក់ពីកិត្យានុភាពនៃមន្ទីរពេទ្យរបស់កងទ័ពនៅភាគខាងត្បូង។ លោកឧត្តមសេនីយ៍ឯក Pham Hoai Nam បានសម្តែងនូវក្តីសប្បាយរីករាយចំពោះការអភិវឌ្ឍគួរឲ្យចាប់អារម្មណ៍របស់មន្ទីរពេទ្យយោធាលេខ១៧៥ ជាពិសេស មន្ទីរពេទ្យបំពេញល្អភារកិច្ចយោធា ការពារជាតិ ធានាបាននូវការថែទាំវេជ្ជសាស្រ្តនៅសមុទ្រ និងកោះ ការចូលរួមកងកម្លាំងរក្សាសន្តិភាពអង្គការសហប្រជាជាតិ...

leftcenterrightdel
លោកឧត្តមសេនីយ៍ឯក Pham Hoai Nam ជូនអំណោយដល់មន្ទីរពេទ្យយោធាលេខ ១៧៥

លោកឧត្តមសេនីយ៍ឯក Pham Hoai Nam បានសង្កត់ធ្ងន់ថា នាពេលខាងមុខ មន្ទីរពេទ្យយោធាលេខ១៧៥ គប្បីជំរុញការអនុវត្តបច្ចេកវិទ្យាព័ត៌មាន កំណែទម្រង់រដ្ឋបាល ការធ្វើបរិវត្តកម្មឌីជីថល សហការយ៉ាងសកម្មជាមួយមន្ទីរពេទ្យ មជ្ឈមណ្ឌលវេជ្ជសាស្ត្រទំនើបៗទាំងក្នុងនិងក្រៅប្រទេស លើកកំពស់ប្រៀបខ្លាំងនិងសក្ដានុពល ខិតខំដើម្បីក្លាយជាមណ្ឌលវេជ្ជសាស្រ្តយោធាពហុគោលបំណងទំនើប។ ក្នុងឱកាសអបអរសាទរខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ (ថ្ងៃទី ៣០ ខែមេសា ឆ្នាំ១៩៧៥ / ថ្ងៃទី ៣០ ខែមេសា ឆ្នាំ២០២៥) និងឆ្ពោះទៅខួបលើកទី ៥០ នៃទិវាប្រពៃណីនៃមន្ទីរពេទ្យយោធាលេខ ១៧៥ (ថ្ងៃទី២៦ ខែឧសភា ឆ្នាំ១៩៧៥ / ថ្ងៃទី ២៦ ខែឧសភា ឆ្នាំ២០២៥) លោកឧត្តមសេនីយ៍ឯក Pham Hoai Nam បានជូនពរកម្មាភិបាល បុគ្គលិក និងយុទ្ធជននៃមន្ទីរពេទ្យ តែងតែពង្រីកប្រពៃណី និងបំពេញល្អគ្រប់ភារកិច្ចដែលត្រូវបានប្រគល់ជូន៕

បកប្រែដោយ Thuy Anh