សហរដ្ឋអាមេរិកប្រគល់វត្ថុអនុស្សាវរីយ៍ក្នុងសម័យសង្គ្រាមរបស់យុទ្ធជនពលី និងអតីតយុទ្ធជនវៀតណាម

ទិដ្ឋភាពនៃពិធី

នៅក្នុងពិធីនេះ លោកឧត្តមសេនីយ៍ត្រី Cao Xuan Thang អនុប្រធាននាយកដ្ឋានគោលនយោបាយសង្គម និងជានាយកធានារ៉ាប់រងសង្គមយោធា ខុទ្ទកាល័យរងនៃគណៈកម្មាធិការជាតិដឹកនាំលេខ ៥១៥ និងលោក Marc E. Knapper ឯកអគ្គរដ្ឋទូតសហរដ្ឋអាមេរិកប្រចាំវៀតណាម បានប្រគល់វត្ថុអនុស្សាវរីយ៍ក្នុងសម័យសង្រ្គាម រួមមានសៀវភៅកំណត់ហេតុ និងសៀវភៅកំណត់ហេតុប្រចាំថ្ងៃ សំបុត្រផ្ទាល់ខ្លួន... របស់អតីតយុទ្ធជនចំនួន ៥ នាក់ និងយុទ្ធជនពលីចំនួន ៣ នាក់ ជូនសាច់ញ្ញាត្ដិរបស់យុទ្ធជនពលី។

វត្ថុអនុស្សាវរីយ៍ក្នុងសម័យសង្គ្រាមរបស់យុទ្ធជនពលី និងអតីតយុទ្ធជនវៀតណាម ដែលផ្ដល់ដោយភាគីសហរដ្ឋអាមេរិក

លោកឧត្តមសេនីយ៍ត្រី Cao Xuan Thang និងលោក Marc E. Knapper ឯកអគ្គរដ្ឋទូតសហរដ្ឋអាមេរិក ប្រគល់វត្ថុអនុស្សាវរីយ៍ជូនសាច់ញ្ញាត្ដិរបស់យុទ្ធជនពលី និងអតីតយុទ្ធជនវៀតណាម

វត្ថុអនុស្សាវរីយ៍ខាងលើនេះ ដោយមជ្ឈមណ្ឌល Ash ប្រគល់ជូននាយកដ្ឋានគោលនយោបាយសង្គម - គណៈកម្មាធិការជាតិដឹកនាំលេខ ៥១៥ នៅពាក់កណ្តាលខែមីនា ឆ្នាំ២០២៥។ ដោយមានការខិតខំប្រឹងប្រែង និងការទទួលខុសត្រូវរបស់អង្គភាព មូលដ្ឋាន កងកម្លាំងទទួលបន្ទុកផ្នែកគោលនយោបាយ និងជួយគាំទ្រ រួមទាំងការសម្របសម្រួលរបស់មជ្ឈមណ្ឌល Ash ដែលបានកំណត់ព័ត៌មានសាច់ញ្ញាត្ដិដែលទាក់ទងទៅនឹងវត្ថុអនុស្សាវរីយ៍ទាំងនេះ៕

បកប្រែដោយ Pham Diep