កូរ៉េខាងត្បូងមានការរំពឹងទុកខ្ពស់ចំពោះដំណើរទស្សនកិច្ចរបស់លោក Lee Jae Myung ប្រធានាធិបតីមកកាន់វៀតណាម

សារព័ត៌មាន Yonhap បានសង្កត់ធ្ងន់ថា លោក Lee Jae Myung ប្រធានាធិបតី គឺជាប្រមុខរដ្ឋបរទេសដំបូងគេដែលបានមកបំពេញទស្សនកិច្ចនៅវៀតណាម ចាប់តាំងពីលោក To Lam អគ្គលេខាបក្សត្រូវបានរដ្ឋសភាវៀតណាមបោះឆ្នោតជ្រើសតាំងជាប្រធានរដ្ឋ។

លោក Lee Jae Myung ប្រធានាធិបតីកូរ៉េខាងត្បូង  និងលោកជំទាវ (រូបថត៖ AFP)

កាសែត The Korea Herald បានដកស្រង់សម្តីលោក Wi Sung-lac ទីប្រឹក្សាសន្តិសុខជាតិកូរ៉េខាងត្បូង ដែលបានបញ្ជាក់ថា ដំណើរទស្សនកិច្ចរបស់លោក Lee Jae Myung ប្រធានាធិបតី មានគោលបំណងកសាង "ភាពជាដៃគូខ្ពស់នៅកម្រិតនៃបំផុត" តាមរយៈការសម្រេចបាននូវដំណើរទស្សនកិច្ចទ្វេភាគីទៅវិញទៅមក។ លោក Wi Sung-lac បានសង្កត់ធ្ងន់ថា "យើងរំពឹងថានេះនឹងក្លាយជាឱកាសមួយដើម្បីពង្រឹងទំនុកចិត្តរវាងមេដឹកនាំទាំងពីរ និងអនុវត្តចក្ខុវិស័យរួមសម្រាប់ការអភិវឌ្ឍនាពេលអនាគត។ ភាគីទាំងពីរនឹងខិតខំប្រឹងប្រែងបង្កើនកិច្ចសហប្រតិបត្តិការជាមួយនឹងគោលដៅនាំទំហំពាណិជ្ជកម្មទ្វេភាគីដល់ ១៥០ ពាន់លានដុល្លារអាមេរិកនៅឆ្នាំ ២០៣០ និងពង្រីកកិច្ចសហប្រតិបត្តិការជាយុទ្ធសាស្ត្រក្នុងវិស័យសំខាន់ៗ"៕

បកប្រែដោយ Huyen Trang