ពិធីជួបសំណេះសំណាលក្នុងឱកាសរំលឹកខួបលើកទី ៦៥ នៃទិវាជ័យជម្នះ Giron របស់ប្រជាជនគុយបា

មានប្រសាសន៍នៅក្នុងជំនួប លោក Rogelio Polanco Fuentes ឯកអគ្គរដ្ឋទូតគុយបាប្រចាំនៅវៀតណាម បានចែករំលែកពីសារៈសំខាន់ជាប្រវត្តិសាស្ត្រនៃជ័យជម្នះ Giron សម្រាប់បដិវត្តន៍គុយបា និងប្រជាជន ដោយសង្កត់ធ្ងន់ថា ជ័យជម្នះ Giron គឺជាប្រភពនៃមោទនភាពពិសេសសម្រាប់ប្រជាជនគុយបា និងមិនត្រឹមតែបន្លឺឡើងនៅក្នុងតំបន់ប៉ុណ្ណោះទេ ថែមទាំងនៅទូទាំងពិភពលោកទៀតផង។ តាងនាមថ្នាក់ដឹកនាំ និងប្រជាជនគុយបា លោក Rogelio Polanco Fuentes ឯកអគ្គរដ្ឋទូត បានថ្លែងអំណរគុណចំពោះការជួយគាំទ្រដ៏ស្មោះស្ម័គ្រទាំងផ្នែកនយោបាយ ទាំងផ្នែកសម្ភារៈ និងស្មារតីដែលបក្ស រដ្ឋ និងប្រជាជនវៀតណាមផ្តល់ជូនប្រទេសគុយបាក្នុងរយៈពេលជាច្រើនឆ្នាំមកនេះ។

លោកស្រី Truong Thi Hien ប្រធានសមាគមមិត្តភាពវៀតណាម-គុយបា ទីក្រុងហូជីមិញ ផ្តល់ផ្កាជូនលោក Rogelio Polanco Fuentes ឯកអគ្គរដ្ឋទូតគុយបាប្រចាំនៅវៀតណាម (រូបថត៖ vnanet.vn)

លោក Rogelio Polanco Fuentes បានបញ្ជាក់ថា ការថែរក្សា ការពង្រឹង និងពង្រីកប្រពៃណីជិតស្និទ្ធដ៏ពិសេសរវាងប្រជាជាតិទាំងពីរ គឺជាការទទួលខុសត្រូវដ៏ពិសិដ្ឋ និងជាកាតព្វកិច្ចដ៏ធំធេងរបស់យុវជនជំនាន់ក្រោយនៃប្រទេសគុយបា និងវៀតណាម រួមចំណែកនាំចំណងមិត្តភាពពិសេសរវាងគុយបា និងវៀតណាមស្ថិតស្ថេរជាអមតៈ៕

បកប្រែដោយ Huyen Trang