រូបភាពគួរឲ្យរំភើបចិត្ដ និងមោទនភាពក្នុងកម្មវិធីជួបជុំគ្នា ក្រោមប្រធានបទ “៥០ឆ្នាំនៃជ័យជំនះទាំងស្រុងរបស់ប្រទេសជាតិ”

ក្ដីរំភើបចិត្ដនិងមោទនភាពបានបង្ហាញយ៉ាងច្បាស់នៅកម្មវិធី នៅពេលដែលគណៈកម្មការរៀបចំ ក៏ដូចជាកម្មាភិបាល យុទ្ធជន និងយុវជនជំនាន់ក្រោយ បានស្តាប់នូវរឿងរ៉ាវរបស់វីរអ្នកម្ដាយវៀតណាម ឧត្តមសេនីយ៍ វីរជនកងកម្លាំងប្រដាប់អាវុធប្រជាជន និងអតីតយុទ្ធជនដែលចូលរួមក្នុងការតស៊ូប្រឆាំងនឹងសហរដ្ឋអាមេរិកដើម្បីសង្គ្រោះជាតិ ជាពិសេសចូលរួមដោយផ្ទាល់នៅក្នុងយុទ្ធនាការហូជីមិញជាប្រវត្តិសាស្ត្រ។

កម្មវិធីនេះធ្វើឡើងនៅតំបន់កេរ្ដិ៍ដំណែលជាតិពិសេស-វិមានឯករាជ្យជាតិ ដែលជាទីតាំងប្រវត្តិសាស្ត្រវីរភាពនៃរយៈពេល ៥០ ឆ្នាំមុន ជាសកម្មភាពជាក់ស្តែង និងសំខាន់ក្នុងឱកាសអបអរសាទរខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ (ថ្ងៃទី៣០ ខែមេសា ឆ្នាំ១៩៧៥ / ថ្ងៃទី៣០ ខែមេសា ឆ្នាំ២០២៥)។

កាសែតកងទ័ពប្រជាជនសូមចុះផ្សាយរូបភាពមួយចំនួនដែលពោរពេញទៅដោយក្ដីរំភើបចិត្ដ និងមោទនភាព។

លោកឧត្តមសេនីយ៍ត្រី Doan Xuan Bo អគ្គនិពន្ធនាយកនៃកាសែតកងទ័ពប្រជាជន ប្រធានគណៈកម្មការរៀបចំកម្មវិធីទទួលស្វាគមន៍ សួរសុខទុក្ខ និងសំណេះសំណាលជាមួយប្រតិភូ

សួរសុខទុក្ខគ្នា និងសំណេះសំណាលក្នុងឱកាសជួបជុំគ្នា

យុវជននៃកាសែតកងទ័ពប្រជាជនជួយប្រតិភូវ័យចំណាស់

លោកឧត្តមសេនីយ៍ទោ Pham Van Dy អតីតប្រធាននយោបាយនៃយោធភូមិភាគទី៧ ចែករំលែក និងលើកទឹកចិត្ដយុវជនជំនាន់ក្រោយ

លោកវរសេនីយ៍ឯក Nguyen Van Tau វីរជនកងកម្លាំងប្រដាប់អាវុធប្រជាជន រៀបរាប់ពីប្រវត្តិសាស្ដ្រដ៏អង់អាចក្លាហានដល់យុវជនជំនាន់ក្រោយ

អតីតយុទ្ធជនសំណេះសំណាលក្នុងឱកាសជួបជុំគ្នា

លោកឧត្តមសេនីយ៍ទោ Truong Thien To អនុប្រធានអគ្គស្នងការនយោបាយនៃកងទ័ពប្រជាជនវៀតណាម សួរសុខទុក្ខវីរអ្នកម្ដាយវៀតណាម Nguyen Thi Huu Tai

យុទ្ធជនវ័យក្មេងមានក្ដីរំភើបចិត្ដនឹងរឿងប្រវត្ដិសាស្ដ្រ

ឧត្តមសេនីយ៍ ​និងអតីតយុទ្ធជនមានសេចក្តីសោមនសរីករាយយ៉ាងខ្លាំងដែលបានជួបជុំគ្នាក្នុងកម្មវិធី

បកប្រែដោយ Pham Diep