លោកប្រធានរដ្ឋ Luong Cuong ទទួលជួបឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋដូមីនីកែន

លោកប្រធានរដ្ឋ Luong Cuong បានអះអាងថា វៀតណាមយកចិត្តទុកដាក់យ៉ាងខ្លាំងចំពោះតួនាទី និងកិត្យានុភាពរបស់សាធារណរដ្ឋដូមីនីកែន ក្នុងតំបន់អាមេរិកឡាទីន។ លោកប្រធានរដ្ឋ Luong Cuong មានបំណងចង់អភិវឌ្ឍកិច្ចសហប្រតិបត្តិការលើគ្រប់វិស័យ ដូចជានយោបាយ-ការទូត សេដ្ឋកិច្ច-ពាណិជ្ជកម្ម កិច្ចសហប្រតិបត្តិការលើវិស័យអប់រំ និងការជួបប្រាស្រ័យរវាងប្រជាជននិងប្រជាជន ដើម្បីផលប្រយោជន៍របស់ប្រជាជននៃប្រទេសទាំងពីរ រួមចំណែកដល់ការជំរុញសន្តិភាព ស្ថិរភាព និងការអភិវឌ្ឍន៍ក្នុងតំបន់ទាំងពីរ។

លោកប្រធានរដ្ឋ Luong Cuong ទទួលជួបលោកឯកអគ្គរដ្ឋទូត Jaime Francisco Rodriguez

នាពេលខាងមុខ លោកប្រធានរដ្ឋ Luong Cuong បានស្នើឱ្យភាគីទាំងពីរបន្តផ្លាស់ប្តូរព័ត៌មានអំពីតម្រូវការជំរុញ និងពង្រីកកិច្ចសហប្រតិបត្តិការលើវិស័យទូរគមនាគមន៍ ប្រេង និងឧស្ម័ន កសិកម្ម សំណង់ និងការអភិវឌ្ឍលំនៅដ្ឋានទីក្រុង ហិរញ្ញវត្ថុ ជាដើម ដោយហេតុនោះធ្វើឱ្យស៊ីជម្រៅថែមទៀត និងធ្វើពិពិធកម្មទំនាក់ទំនងសហប្រតិបត្តិការទ្វេភាគី។

លោកប្រធានរដ្ឋ Luong Cuong ទទួលជួបលោកឯកអគ្គរដ្ឋទូត Jaime Francisco Rodriguez

រីឯខ្លួនវិញ លោកឯកអគ្គរដ្ឋទូត Jaime Francisco Rodriguez បានឲ្យដឹងថា ក្នុងអាណត្តិនៅវៀតណាម ទំនាក់ទំនងសហប្រតិបត្តិការរវាងប្រទេសទាំងពីរលើគ្រប់វិស័យមានការអភិវឌ្ឍន៍យ៉ាងល្អប្រសើរ ជាពិសេសលើវិស័យសេដ្ឋកិច្ច ពាណិជ្ជកម្ម វិនិយោគ កសិកម្ម អប់រំ និងវប្បធម៌។

លោកឯកអគ្គរដ្ឋទូត Jaime Francisco Rodriguez បានសម្តែងនូវចំណាប់អារម្មណ៍ចំពោះការអភិវឌ្ឍរបស់វៀតណាម ក្នុងរយៈពេលប៉ុន្មានឆ្នាំកន្លងមក ដោយចាត់ទុកវៀតណាមជាគំរូសម្រាប់សាធារណរដ្ឋដូមីនីកែនធ្វើតាម។ ទន្ទឹមនឹងនោះ លោកបានសង្កត់ធ្ងន់ថា រដ្ឋាភិបាល និងប្រជាជននៃសាធារណរដ្ឋដូមីនីកែន តែងតែមានមនោសញ្ចេតនាពិសេសចំពោះទឹកដី និងមនុស្សវៀតណាម ហើយនឹងគាំទ្រវៀតណាមជានិច្ចក្នុងវេទិកាពហុភាគី៕

បកប្រែដោយ Thanh Cong