លោកនាយករដ្ឋមន្ត្រី Pham Minh Chinh៖ ធ្វើជាម្ចាស់បច្ចេកវិទ្យាយ៉ាងឆាប់រហ័ស និងអភិវឌ្ឍឧស្សាហកម្មថាមពលកកើតឡើងវិញ

លោកនាយករដ្ឋមន្ត្រី Pham Minh Chinh បានអបអរសាទរ និងកត់សម្គាល់ពីវឌ្ឍនភាពដ៏លេចធ្លោរបស់ Petrovietnam និង PTSC ក្នុងការអនុវត្តគម្រោង ប្រេង និងឧស្ម័នជាយុទ្ធសាស្ត្រ និងគម្រោងថាមពលកកើតឡើងវិញ ជាពិសេសគឺគម្រោងថាមពលខ្យល់នៅឯនាយសមុទ្រ។

លោកនាយករដ្ឋមន្ត្រី Pham Minh Chinh ស្នើឱ្យ Petrovietnam ពន្លឿនបន្ថែមទៀត និងខិតខំសម្រេចឱ្យបាននូវអត្រាកំណើនពី ១៥-២០%/ឆ្នាំ ដើម្បី សម្រេចបាននូវគោលដៅដែលបានកំណត់ដោយមហាសន្និបាតបក្សលើកទី១៣។ លោកនាយករដ្ឋមន្រ្តី ជឿជាក់ថា ជាមួយប្រពៃណីនិងសក្តានុពលដែលត្រូវបានបង្កើតឡើង និងស្មារតី "ប្រែក្លាយពីគ្មានអីទៅជាមានអី ប្រែក្លាយការលំបាកទៅជាភាពងាយស្រួល ប្រែក្លាយអ្វីដែលមិនអាចទៅរួចទៅជាអាចធ្វើទៅបាន" Petrovietnam ជានិយាយរួមនិង PTSC និយាយដោយឡែកត្រូវជំរុញយ៉ាងសកម្មនូវការបង្កើនកំណើន  និងធ្វើបរិវត្ដកម្មឌីជីថល ការផ្លាស់ប្តូរបៃតង សេដ្ឋកិច្ចរាងជារង្វង់ ការបំប្លែងថាមពល និងលើកកម្ពស់សក្តានុពលនៃថាមពលកកើតឡើងវិញ រួមចំណែកដល់និន្នាការអភិវឌ្ឍន៍របស់ពិភពលោក។

លោកនាយករដ្ឋមន្ត្រី Pham Minh Chinh ថ្លែងក្នុងព្រឹត្ដិការណ៍ (រូបថត៖ vnanet.vn)

លោកនាយករដ្ឋមន្ត្រី Pham Minh Chinh ទស្សនាមជ្ឈមណ្ឌលឧស្សាហកម្មថាមពល និងសេវាកម្ម​ភស្ដុភារកំពង់ផែ PTSC​​ (រូបថត៖ vnanet.vn)

លោកនាយករដ្ឋមន្ត្រី Pham Minh Chinh បានស្នើថា ដល់ឆ្នាំ ២០២៦ Petrovietnam នឹងទទួលបានការផ្ទេរបច្ចេកវិទ្យាផលិតទួរប៊ីនខ្យល់ កង្ហាខ្យល់ ...  ធ្វើជាម្ចាស់បច្ចេកវិទ្យានិងអភិវឌ្ឍឧស្សាហកម្មថាមពលនៅឯនាយសមុទ្រ និងបង្កើតឧស្សាហកម្មថាមពលកកើតឡើងវិញ។ ទន្ទឹមនឹងនោះ សម្ព័ន្ធក្រុមហ៊ុនត្រូវអភិវឌ្ឍហេដ្ឋារចនាសម្ព័ន្ធ និងរៀបចំរចនាសម្ព័ន្ធឡើងវិញតាមគំរូថ្មី និងបណ្តុះបណ្តាលធនធានមនុស្ស ដើម្បីបម្រើដល់ដំណាក់កាលអភិវឌ្ឍន៍ថ្មី។

ជាមួយនឹងការតម្រង់ទិសនៃការសាងសង់មជ្ឈមណ្ឌលឧស្សាហកម្មថាមពលនៅ Ba Ria-Vung Tau លោកនាយករដ្ឋមន្ត្រី​ បានចាត់ឱ្យ Petrovietnam និងក្រសួងឧស្សាហកម្ម និងពាណិជ្ជកម្មពិនិត្យឡើងវិញ និងបង្កើតក្រឹត្យមួយដើម្បីដោះស្រាយឧបសគ្គ។ ខេត្ដ Ba Ria-Vung Tau បង្កើតឱកាសសម្រាប់អាជីវកម្មអភិវឌ្ឍន៍។

លោកនាយករដ្ឋមន្ត្រី Pham Minh Chinh និងប្រតិភូចូលរួមពិធីបើកការដ្ឋានសាងសង់ប្រព័ន្ធបច្ចេកវិទ្យាមជ្ឈិម (CPP) - គម្រោងប្លុក B​ (រូបថត៖ vnanet.vn)

លោកនាយករដ្ឋមន្ត្រី បានថ្លែងអំណរគុណ និងមានបំណងចង់ឲ្យដៃគូបរទេសសហការប្រកបដោយប្រសិទ្ធភាពជាមួយ Petrovietnam ក្នុងស្មារតី “ផ្ដល់ផលប្រយោជន៍ទៅវិញទៅមក និងចែករំលែកហានិភ័យរួម” លោកនាយករដ្ឋមន្ត្រី បានបញ្ជាណែនាំឲ្យ Petrovietnam បន្តពង្រីកកិច្ចសហប្រតិបត្តិការអន្តរជាតិក្នុងការរុករកប្រែងជាមួយដៃគូបរទេស ហើយនាំមកនូវផលប្រយោជន៍រួមសម្រាប់សម្ព័ន្ធក្រុមហ៊ុននិងប្រទេសជាតិ រួមចំណែកការពារអធិបតេយ្យភាព និងបូរណភាពទឹកដីរបស់ប្រទេស និងអភិវឌ្ឍសក្តិសមជាសាជីវកម្មថាមពលជាតិ។

លោកនាយករដ្ឋមន្ត្រី បន្ថែមថា Petrovietnam និង PTSC ត្រូវតែសម្របសម្រួលយ៉ាងជិតស្និទ្ធជាមួយទីភ្នាក់ងារពាក់ព័ន្ធឱ្យកាន់តែប្រសើរឡើង  និងរីក​ចម្រើន​ថែមទៀត។  លោកនាយករដ្ឋមន្ត្រីជឿជាក់ថា ក្រុមហ៊ុនបន្តសាមគ្គីភាពនិងអភិវឌ្ឍន៍  នាំមកនូវប្រសិទ្ធភាពថែមទៀត រួមចំណែកកសាងប្រទេសឱ្យកាន់តែរីក​ចម្រើន​​​​ និងរឹងមាំ លើកកម្ពស់គុណភាពរស់នៅរបស់ប្រជាពលរដ្ឋ៕

បកប្រែដោយ Thanh Cong